動，答問題又一矢中的，好現實。
對東方的部份評價 回自講目錄
長期以來，睇東方日報成咗慣性，皆因覺得它的資訊好豐富而且用語亦好趣怪。至於它的色情版我卻唔多介意，我要壞一早已壞咗，今時唔壞亦再教唔壞我，所以與不良刊物無關。 當然，我唔會向兒童推薦，但我認為年過二十既去睇睇都無妨，因為呢啲係社會現狀既一部份，亦可說是負面，如全無認知，到出嚟社會工作還好像純情得尚未開眼，一舊檬咁，樣樣都一頭霧水， 十吓十吓， 俾人搵咗笨仲懵剩剩，笑騎騎，邊度有公司請你至得架？呢樣嘢尤其係值得將來要從事社會政治、新聞傳播、及演藝編導等等同學正視既。
至於功夫茶同龍門陣裏作者
既言論，有些正確，而且深入精彩，有些強辯，只知私利而不識大體，充分顯示這伙多是文痞既貨色。例如民主黨曾倡議打擊黃色刊物當中涉及傷害咗東方日報既利益，於是部份所謂才子紛紛群起而吠之。他們將刊登色情和言論自由掛上
咗鉤，連上咗等號，偷換咗邏輯概念，誤導咗巿民，并在此役之後懷恨在心，無孔不入地以誣蔑來攻擊民主黨，誓要置之死地。恰巧民主黨近來屢屢出錯，自毀長城，於是民望大跌，喪失
咗不少議席。東方日報呢啲“才子”可知道佢哋呢班人既東方日報仝人，與民主黨從來都係中共既眼中釘、心中刺？如果唔係有一大班人力爭民主，相信東方都不易在港立足，所以東方同民主黨本就是天生成的唇齒相依，唇亡齒寒的關係。試想想，如一旦民主黨一蹶不振以致瓦解，立法會只剩
下清一色既應聲蟲，呢個社會任何反對的聲音已接近唔存在，咁東方日報裏仲可刊載批評大陸既文章咩？咪以為我喺度危言聳聽，各位從近年多位報紙主編、電台監制因容許其管轄的範疇播放不利中央、特區、大財團既新聞和言論而被炒魷就應有所警愓。所以我介紹俾大家睇既司馬成、海絲及李集慧的專欄，就係呢幾位作者冇盲從，保持冷靜。另外女豪情版中既《懇答狠插》嗰位MING姐，寫得
好生動，答問題又一矢中的，好現實。
既然講得東方日報咁渣， 點解我又會繼續睇呢？因為有五個原因。第一係佢有另外既優點。第二係嗰班人講既都不唔一定永遠都錯，有時仲寫得好好，我自會衡量判斷，正所謂皮裏春秋也。我亦學會聽取正反意見， 唔會肯定自己永遠都正確。第三就係被上一段所介紹過既作者專欄所吸引。第四，其他報章可能更差，說話唔夠勁度，唔合口味。至於第五個原因呢，就重要了，呢樣就係我既內子要我每日買一份東方回家，她喜看東方，就正 只因為係喜歡東方既另一樣我最討厭的篇幅：用類似狗仔隊既方法去窺揭名人既陰私，呢啲八嘢多在娛樂版。嗰啲名人藝員既私隱、醜聞、傷心事，就成咗該報既“珍品”，“上菜”。好冇陰功。