今朝，我如常去嗰間鄉村式既茶居飲早茶。食完嘢就去廁所紥馬。離遠見到有個男人揸住條水喉，喺處洗緊個屎坑。起初我覚得奇怪，間茶居几時請咗個男工洗廁所呢？一陣，睇到嗰男人洗完，跟住入咗去廁所裡面。先知道呢個男人唔係清潔工，係茶客。我心諗依家啲人真係够晒衛生嘞。唔錯！
…依！…啊！舒服晒。沖完廁就出離洗手。剛好嗰位衛生之人又攪掂出離。奇嘞？點解聽唔到佢沖廁聲既？好奇之下，用射喱眼射咗佢個屎坑一下。嘩！痾成個湯碗咁大督屎!轉過頭離，以為佢会執起地下條水喉沖下佢。點知呢位衛生之人冇咁做到，走咗去洗手添。洗完手後，两手向後一feung！好在我縮得快，唔係就領晒嘢。依家我肯定，佢嗰個廁格裡面嗰塊告示牌同我嗰格既唔同。我嗰格裡面寫住〝便後沖廁，保持清潔〞。佢嗰格寫住〝便前沖廁，便後關人〞。