愛情，是青少年所憧憬的。但我0地要科學D咁分析“愛情”呢兩個字，唔好盲目咁脫離現實。愛是歡喜，情是維繫對對方的愛，珍惜對方給您的愛。但這個詞并不代表永恒，更非意味專一。
好像筍筍所描述，老婆成了植物人，百葯無靈，躺在床上三四十年了，丈夫仍天天去陪伴她，這是情，也是義，稍有良心的伴侶也會不離不棄。但中國人有時好抵死，有句用以挖苦人的俗語，說中年男人遇上如下三事就最開心得意：升官、發財、死老婆。我諗兩公婆相處得好好地，個男人冇咁衰0既。但又并唔包括該男不會包二奶。在一般情況下，二奶會對那男人好，體諒佢辛苦，讚賞佢有情有義，所以不但幫忙煮湯煲藥給植物大婆，而且會幫手餵添。咁就正好套用董伯伯0既口頭禪：二奶好，大婆又好；大婆好，二奶更好。電視劇0既編導一定會如此安排，同時仲會安排發生一件醫學上最冇可能0既、而電視劇中又最有可能0既事：昏睡0左四十年0既大婆醒翻！跟住發展下去，三個都散晒，悲劇收場。
所以呢，第時邊個做大婆有咁既際遇，若想永遠都有人服侍，鞏固自己地位，保存夫妻感情，咁就幾大都唔好醒，一路詐睡落去。