昨日閱報，赫然發現0係廣州0既一所大學內發生0左駭人的情殺案。一個第間學校0既男學生，因垂涎呢間英語系三年級一位女生美色，苦追不果，竟然在開學日闖入六樓宿舍，將女生刺斃然後推下樓，自己亦跟住跳樓自殺。呢個狂徒連畜生也不如，得不到心頭好就殺人及自殺，呢種人縱使不為情，也必將會作奸犯科，淪為悍匪，同時又極之自私，忘恩負義，令父母傷心整個下半生。呢種心態，難怪那女同學唔要佢。
雖然這種案件甚為罕見，但亦偶有聽聞，我絕不愿這事再會發生。我苦思了一天，終於度得一計，希望各位女同學再三參詳。可能有人覺得自己醜樣，不存在情殺0既問題，咁就錯了，可知俗語有言：“冤(臭)豬頭都有盟(塞)鼻菩薩”？所以都係小心為上。
首先不可在情場玩火，甚至要常檢點自己，不可讓別人有一絲毫誤解、一絲毫希望。呢點係最基本0既。
但如孽緣仲係追住您，到避無可避就要轉守為攻，大膽面對。最斯文0既，係表明自己已有男朋友，要當住別人面前多講電話，扮得好煙紉。成日話俾人聽，約0左男友食飯看戲，仲充硬話男友大把錢,等佢知難而退。
再唔係就扮豪放，周圍撩人去玩，最好約多0的人一齊，講唔埋咁樣就有超過一個來為您抵擋想獵殺您0個個。
若情況仲有惡化0既跡像，您可整衰自己，比如扮粗魯，吃飯時戙高一隻腳、挖鼻孔、講粗口，最好多吃蒜頭。又可暗示自己家人係黑社會。如那男人約您出街，您可假意邀他打麻雀，賭馬，及去地下賭場。并透露注碼很大，令他自卑，至少佢唔敢帶您回家見父母。仲有，您要好長氣，好似長舌婦；好噚氣，好似老太婆。比方整天都講同一件事，同一個人，講完又講，煩到佢死。
仲有度殺手鐧，就係您自認有傳染病，至輕0既係乙型肝炎、肺病，孢疹；重則癌症、愛滋。我想一出手就係用後兩者較好，那苦纏者即彈開。至於點樣弄來醫生証明或病歷？我想在大陸應辦得到吧。
如果咁都嚇唔走0個個男仔，我諗整定您都係要投降咯。
各位，您0地咪當我0係唔開心0既時候，仲講笑啦，如果唔係咁，您0地話點0勒？？

                                          回自講目錄