時近開學，陪小朋友去買返學鞋，原來買對返學鞋都唔容易，小朋友間學校在填鴨教育下要求每個學生一模一樣，包括對鞋；鞋一定要黑色唔在講，原來女生黑鞋一定要丁字帶，鞋跟不得高於兩吋半，買既時候要用間尺度清楚。

筆者在香港土生土長，至今接受左十八年港式教育，各種千奇百怪既校規都聽過甚至受過唔少，大部份學校都要求女生校裙及膝，有0的學校check校服時要女生跪在地上，裙腳掂地為標準，此舉女生尊嚴何在？有0的學校唔準gel頭，話唔樸素，但有0的學校又規定男生gel頭，話咁係莊重喎；有0的學校恐怖到規定女生用藍色絲帶編孖辮，又或者規定佢地頭髮既長度．．．咩都管，真係離譜，難道學生對鞋唔係丁字帶係縛帶就唔係好學生？難道學生對鞋三吋高會變左飛仔女？難道跪低裙腳距離仲有地下一吋就係衰格？難道唔編孖辮就唔識讀書？

香港教育出左名行填鴨式，嚴重到連校規都填鴨，學生個個機器啤出來咁一樣樣，其實做品學兼優既好學生都唔一定要無黎性格既0者！
 回自講目錄