八月十九日 明報 C10版(撮文)
「現年二十一歲的小池榮子,今時今日名字幾乎街知巷聞,但原來背後有一段她認為"正常不過"的上位歷程:她跟事務所的所有女藝人一樣,要在新人時期接受老闆親手摸胸的不明文規定檢查。

照道理,女兒家會避忌談及有關敏感部位的話題,但小池自爆秘密不特止,還高談闊論,表現得樂在其中。

她更表示心目中的理想對象,正是其老闆一類,看來五十有六的老闆,不單主宰了小池的事業,也影響了她的擇偶條件啊!」

唉,當我睇到呢單新聞o個陣,真係忍唔住要寫個「服」字俾日本人呀!

眾所周知,日本o既色情事業o係亞洲屬於數一數二o架啦,D AV碟不知幾受男士歡迎。記得有一次去信和行o個陣,唔小心行o左上去最高o個層,即刻有幾對眼望實我喎,跟住我睇到成層貼出o黎D o野,就知衰啦,咪即刻急急腳走囉。輕"瓊"D o既,咪就係水著女星囉;日本真係好奇怪,究竟佢有冇D保護兒童條例什麼o架?有時我睇D壹週東週,見佢介紹D水著女星,o下,86年?87年?外國都未成年啦,何況日本要二十歲先係成人禮o添!水著都算啦,都叫做有D布先丫,但我聽聞有AV女郎未夠18歲都得喎,點解救先?

咁諗落,日本人D觀念(乜o野觀念?你自己諗啦)都好開放喎;好似小池榮子咁,個老闆明係非禮啦,佢居然會忍咁多年,睇個樣佢唔單止忍,重好enjoy o添!你話如果係香港女星,會唔會講出o黎呢o下?諗落個老闆開間agent都居心叵測喎,一開始先搵D純情少女落手,搏佢地唔敢出聲,後來慣o左啦,就唔會再講,可能反而enjoy,甚至好似小池咁視佢為理想對象o添!嘩,你諗下除o左日本重到邊度咁梳乎先得o架?日本,簡直係男人o既天堂呀!
 回自講目錄