早幾年因工作關係，幾乎每天都要和一大班同事到深圳的福田保稅區。本來對於一個出外讀書或工作的人來講，食中午飯係好隨便既事，唔使講究，點知時來運到，我地(們)呢班人就因此機會而得到食中午飯既(的)極大樂趣，以致有誰缺席一天不能到福田，那人就在香港想喊(哭)咁滯(幾乎)。當時我提出一個口號：食遍福田。
食遍福田是很難的。於是我地(我們)專揀當地人開既小餐館幫襯，不去香港人開既(的)大酒樓。香港人開的酒樓好易認出，就係門前做迎賓既幾位女郎，件旗袍D(的)岔開得特別高。
我地通常都係去一D乜(甚麼)村物(甚麼)村處光顧。有D店子去得多幾次，個度(那裏)D伙記遠遠一見我，不用吩咐就騎單車出外買一條大鯇魚回來清蒸。在該地消費真很便宜，七八個人吃到杯盤堆積如山，每人也只不過付二十元，在香港買一盒飯都唔夠。
有人問過我地去既地方是否二奶村，我真係唔知。可能二奶村唔止一條卦(吧)，十條村都容納唔到咁多二奶啦，我想二奶城就差唔多。
話時話，唔知係咪心理上有先入為主既影響，我見到個度(那裏)D女人，個個都好似二奶咁樣。
總之我在休息時都帶過親友到該地品嘗美食，人人都讚不絕口。
我先0係度(在此)介紹兩樣和味(好味道)0野(東西)先，你地都可能識整(做)嫁(的呀)：
第一係南乳排骨。呢(這)檔係一個潮州婆主理。我知佢(她或他)先將一整條豬肋骨放在南乳中，浸到入味然後炸，就係咁簡單0者(那麼)，仲唔使(還不用)斬開添(的呀)。當我一手持著呢(這)整條香噴噴熱辣辣既肋骨，一手拿著一大杯冰凍啤酒既時候，都有諗到過膽固醇同熱氣、肥膩、塞血管等等既問題，但你估我會唔會驚丫拿(呢)？正！我諗起都吞緊(正在)口水，好辛苦。
第二係蒜泥白肉。呢檔係四川婆主理。我估都係好簡單，睇黎(看來)將一大舊(塊)豬肉蒸熟，然後薄薄地一片片咁切開，用油、蒜粒、少量辣椒浸住(著)，焗一陣(會)。嘩，好香生蒜味！初時我見到肉上有咁多五顏六色既辣椒粒係唔敢食嫁，我好怕辣，係一個同事好誠意咁推薦先食。哈，又唔係咁辣0番！蒜頭個種辣我受得，好好食。
唔知點解好多好簡單好好食既0野，又唔使用名貴材料既，香港就係冇得食，連屋企(家)人都唔會整。仲有好多好食0野呀，冇可能0係度一一介紹，你地一定要親自去至得。
仲有樣好笑。我地幾個仲夾定(合謀)，各自回到家中都對老婆講我地中午個(那)餐食得好慘，冇乜(沒甚麼)好食，要食鹹魚青菜，仲要凍冰冰咬唔入。如果唔係，俾佢地知道我地餐餐大魚大肉，會好妒忌，黑口黑面，一定會嘈：你就嘆啦，飲飽食醉啦，仲有冇去埋沖涼按摩呀？難為我0係屋企食公仔麵呀！跟住就會罰我地晚飯後要洗碗，拉番勻條數。