向卡佬致敬

颱風襲港，人人都趕著下班下課回家，筆者都係其中一份子，街上既情況非常混亂，巴士站擠滿了人，每人都好像好暴燥似的，都在大聲說話，毫無理性的在罵天文台、罵教育署、罵前面排隊的人、罵巴士、罵地鐵，筆者好不容易擠上了巴士，難得該位卡佬依然臉容祥和、臉帶微笑同好有禮貌，有個女人擔住把遮，挽住抽野，拎唔到車錢，個卡佬就叫佢坐好先拎錢，費事一開車跌到，真係好好人。

當時馬路極度濕滑，橫風橫雨，看著前面模糊不清既路面，聽住後面乘客嘈嘈閉，卡佬依然敬業樂業專注地駕車，架巴士行得好穩定好安全，真係令人欣賞同佩服不已！下車既時候，所有乘客都平平安安咁返到屋企，但係卡佬依然要繼續駕住大大既巴士o向濕滑既馬路上飛馳，冒住危險送大家平安回家，真係要向香港所有卡佬致敬呀！多謝你地o向惡劣天氣下送我地呢o的歸心似箭既人返屋企！多謝你地八號風球冇得返屋企但依然敬業樂業！

唔該果o的係咁罵人同嘈嘈閉既人反省下，其實有得返屋企已經好好彩架啦！唔該學下體諒人啦！