睇報紙，學新辭

        話說筆者屋企平日買開明報,但星期六日就會轉睇其他報紙如東方、太陽之類,因為嫌明報o個兩日無乜野睇。上個星期六,當筆者拎住份東方想睇下o個陣,順手掃下今日頭條係乜,見佢寫住:"謝霆鋒通櫃,肝門受損"(大概係咁,我唔係好記得)。恕我孤陋寡聞,我之前未聽過什麼叫做"通櫃",又見佢冇開關引號,雖然見到下句都大概估到係乜,但都以為可能係o的正式詞語卦!而家諗番都只可以怪我太過天真,以為所有報紙係呢o的用語上會加番個開關引號o卦!唉,假如有小朋友同我一樣以為有新詞語唔識而問家長,真係唔知o的家長點答佢好囉!

        可能係我outdated啦,成日睇報紙"學"到o的新辭,都重未攪得清點解之際,佢地就已經用過另一批lu,最近睇雜誌報紙,都幾鬼成日見到""女呢個字。我估到個意思,但係點解會咁用,個完整意思係乜我又真係唔知喎!呢個字同個"溝"字有乜分別呀?有冇人好心話我知呢?

        講真丫,其實我覺得報紙雜誌成日咁樣寫o野法唔係咁好,就算唔formal,點都應該加番個開關引號好o的囉!如果唔係,你話教壞o左o的細路,大個o左幾難改得好呢?你地話係嘛?
 回自講目錄