高危職業 回自講目錄
大家必會認為高度危險的職業，無非是在高空或深海0既工作，以及軍人、警察、消防員、電影特技員，甚至間諜特工，保證冇諗起一啲收銀員0既危險成份，有時實比上述種種有過之而無不及。呢度講0既係隧道出入口0既收銀員。
之前提到0既高空深海，以及捉賊爆破等工作無疑係好危險，但只要夠經驗夠小心，人又夠聰敏，都可增加安全系數，但果啲收銀員就純靠命水嘞，醒醒都冇用。
如果每架車在收費亭前停低俾錢，咁就梗係冇乜危險可言啦。但各位可有留意得到幾條行車線之中，有兩條以上係自動繳費0既呢？喺自動繳線上行駛0既車輛，由於唔使停落嚟俾錢就開得特別快。點解特別快？原因係該司機通常都有一種小小0既所謂優越感，就係其他路線0既車要排隊俾錢，佢唔使；仲有一樣好緊要，各位睇真d兩個收費亭之距離，對於重型車輛同大巴士0黎講，係甚為狹窄，左右崗亭和車的倒後鏡相距不過兩三吋，咁好多司機則為了唔俾人睇小為“唔夠眼”、“唔夠技術”，就更加唔肯慢慢來。收費亭係冇乜防禦能力0既，四周只有玻璃圍繞，既似金魚缸又似玻璃棺材，如果一旦被車輛高速撞上，不死傷也會被嚇傻。呢兩三個月0黎，我就見到城門隧道的崗亭被撞爛了三次，最近一次似是被私家車撞毀，一個月前則是被重型車撞到飛0左去第二度。你0地話0勒，坐在亭內收銀，而背後兩三吋的自動費線上則有無數車輛貼身呼嘯飛過，有如玩雜技，正所謂頭髮尾 浸浸涼，係咪仲衰過擔張椅坐0係高速公路中間丫？ 我諗果啲收費員上班咁耐就震過貓王咁耐，背後每有車經過就唯有合埋雙眼，每離開崗亭一次就要慶祝生辰一次，你哋話佢哋幾慘痛丫！
我又隨之聯想到，既然唔係個個收費亭都係咁危險，淨係背後係自動繳費通道0個個收費亭至危險0者，咁邊位收費員有“資格”坐0個個位呢？可能有人話，坐0個個位0既員工，人工會多0的，我就認為冇乜可能，而且剛剛相反。事關0係而家0既時勢，你唔滿意，就執包袱都得0勒，幾衰0既工都有大把人爭住等0黎做！拿，果0的犯0左小罪、同上司唔妥，又或係工會份子，咁就有份坐呢個位0勒！等你0地搞事丫拿，唔聽話丫拿！當佢0地一進入呢個崗亭，上司就在行政大樓上笑眯眯咁用望遠鏡鎖定佢0地，等“開心”0既事發生，最好 撞死一兩件，以收儆猴之效。你0地話係咪？
可能我係衰0的，諗到啲人咁冇天良。至正路係所有員工都輪到嚟坐危險位，有如玩俄羅斯輪盤。