公共廁所與共產主義     回自講目錄       

       某日開電視見到阿江生話：「同志們－－（拖長個『們』字丫唔該！）我們－－（又係拖長個『們』字丫！要至少拖長三十秒架！）要始於不渝忠於馬克思主義！」
        恕筆者庸俗，一提起馬克思主義，就諗起其中既共產主義，諗起共產主義，竟然會諗起公共廁所，I am terribly sorry
for that∼∼
        講開公共廁所，真係好奇怪，明明有「公共」兩個字，但有時去到道門係會鎖左囉，點解？因為要有鎖匙既人先有得「共」用咯．．．咁其實「公共」既意思可能係有限度咁公共囉．．．唔．．．透過公共廁所，共產之迷終於解開啦！大家有冇奇怪過，明明話共產，點解大陸會咁貧富懸殊呢？甚至點解貧者愈貧，富者愈富呢？好簡單，因為有錢人用盡方法將窮人o的錢渣乾渣淨，然後就分左佢，「共」左佢囉！咁就為之同志們要始終不渝咁忠於既「共」產主義啦！
        大家一定覺得我又胡言亂語，冇o的邏輯喇∼唔緊要！呢個世界係咁架啦！好似前排葉師奶搵把刀隊住人，跟住話：「把刀唔關你事，但你都需要知道把刀咩形狀，咩大細丫！」嘩，阿姐，唔關我事你做咩隊住我先，唔關我事我知黎做咩呀！又唔見我知道對面陳師奶用孖人定單人定三人牌菜刀！？
 回自講目錄