(1)「雙陳」同「區陸」兩隊影完張「甫士
相」之後，呢場五盤三勝既比賽隨即開始。
可能係「雙陳」曾經交過手既關係啦，對彼
此既打法都有0的了解，有左默契就點都好打0的既，結果第一盤「雙陳」
就好EASY咁贏左57比8。
硬撼清水前牙骹戰減壓 南華波王挑戰桌球孖寶
南華對清水一場亞冠杯大戰後晚便爆發，但該隊兩位球員陳志康及陸冠邦，早前竟然唔加緊操練，仲走去「篤波」，究竟搞邊科?唔知大家仲記唔記得，香港桌球代表陳國明係九八年曼谷亞運會，贏左隊際金牌同單打銅牌之後，就係「太陽體育」既 安排下，同本地球圈公認既 「波王」「阿Cow」陳志康，打左一場熱身賽既！
香港隊係今屆釜山亞運會，拎到金、銀、銅各一咁巴閉，「大頭仔」梗唔會放過機會，拿拿聲約埋「阿Cow」再同陳國明鍊過啦！仲叫埋係圈中都打得唔錯既陸冠邦添！諗住由呢兩個「南華波王」拍檔，同「穿金戴銅」既陳國明同雙打銀牌得主區志偉，黎番場雙打。
點知去到提供今次比賽場地既「旺角桌球會」，一早到左既四位主角，就 同「大頭仔」講，為左想場賽事緊張0的，不如交換拍檔，由「雙陳」陳國 明、陳志康，火併「區陸」區志偉、陸冠邦喎。如果唔係，段估兩個「南 華波王」幾好波都好，都冇理由贏得到兩個亞運獎牌得主掛？
(1)「雙陳」同「區陸」兩隊影完張「甫士
相」之後，呢場五盤三勝既比賽隨即開始。
可能係「雙陳」曾經交過手既關係啦，對彼
此既打法都有0的了解，有左默契就點都好打0的既，結果第一盤「雙陳」
就好EASY咁贏左57比8。
(2)頭威頭勢既「雙陳」，第二盤依然"禁"住黎砌，「國明」有料到唔在講，就連「阿Cow」都頻頻得 分。不過，當「雙陳」領先緊47比44既時候，打落比 較手緊既陸冠邦（後），Set左Q絕到唔絕既波，「國 明」本來諗住打Q薄皮Safe，奈何球波"台"頭"台"尾唔在講，兼且冇枕手， 結果Miss左。大好機會，區志偉點會放過呀！結果兩下手腳就追番一盤60比47。
(3)陸冠邦（右）得分唔多，但勝在防守好，就算唔入 都唔輸Chance。第三盤「區陸」輕易再贏一盤55比 22。第四盤「雙陳」一路領先，但「區陸」中段追番上黎，反擒49比36，贏埋三比一。雖然係牙骹戰咋，區志偉同陸冠邦既心情，就同佢地分別拎左亞運銀牌，同南華上年做左「三冠王」一樣咁興奮。
(4)對於兩個「南華波王」既桌球造詣，即將 開班授徒既區志偉就話：「『阿Cow』（右） 技術較全面，比三年幾前同『國明』打果次 進步左好多，佢肯練多0的，肯定仲有進步； 至於陸冠邦可能緊張0的，但係佢係守波方面好有心思。」
註：陸冠邦在前日南華對晨曦的一場聯賽勇戰受傷，左足踝骨折及韌帶撕 裂。他已隨即接受手術，在足踝鑲上鋼片及打石膏，但預料最少也要倦勤 四個月，已肯定無緣出戰清水。