一週年之＊廢＊腑之言

        話咁快就一年喇！我要多謝..........以上所有勁"行"既說話通通都會係我呢篇 ＊廢＊腑之言繼續出現既......哈哈哈！2001年5月14日，Internet上面又無啦啦 多 左一個咩都未整好；樣樣都load唔到既網頁！簡單D一句＊廢網一個＊

      初初整左好耐；好努力咁整；周圍問人點解load唔到．點解會咁....會咁！ 但係最後都係整唔到，真係有諗過放棄！= >_< =不過0個時個網只係出左幾日， 冇理由咁就玩完架，所以我決定繼續同部電腦死過，誓要打敗佢！呵呵~到樣樣都 真係搞掂晒， D公仔唔會再有紅色既 ×出現，咁就真係可以放下心頭大石嚕！ 但係當我以為所有野都好順利既時候，guestbook就俾一d唔知佢 地想點既人 玩！留言既內容.......！到換左新guestbook就好好多喇！真係要感謝神唷！！=^o^=

        做左Cowboy Zone差不多三個月，第一件開心既事終於都黎到我身上喇！2001年8月7日<<guestbook第106段留言>>，係....係....係陳志康留架，嘩哈哈！ 開心都爆呀~見到留言果一刻係極之興奮既，因為知道阿Cow係一個十年都唔上一次網既人，而家竟然留埋言.....嘻嘻！同你講唔開心就呃你既......哈哈~

       到一路做落去，就日日都會走去開部電腦，各大既報紙網就成為我既新目標喇，由平日唔睇報紙既我，變到日日都打開體育版睇下有冇陳志康報導~一 有新野就會post上網！

        由初初見到阿Cow唔敢同佢講野，俾到個怕醜既感覺佢，到而家見到面就咩都可以講一餐；從一開始覺得佢係一個cool到爆、惡到死既人，至而家覺得佢係一個好好玩，好nice既人！中間轉變左好多，又發生左好多事~總之樣樣都係開心既野啦，亦都有好多難忘既回憶！

        最難忘既一次.....一定會係我D朋友仔同阿Cow夾埋黎醫院探我，自己真係冇諗過，做完手術....麻醉藥仲未散，第一個叫醒我既人竟然係.......嘩！嚇鬼死呀，唔知仲以為自己發緊夢添！真係好感動呀，到而家仲記得<<醫院的兩次>>呀！多謝阿Cow；朋友仔！=^_^=

        由開網直至今日一週年，識左好多人，有D仲會係好朋友添！佢地個個都好鐘意睇波既，我地會一齊支持香港足球架，當然我就支持陳志康啦=>.^=雖然大家都唔係支持同一隊波；同一個球員，但係我地一D衝突都冇架！無論我同個網發生咩野事，佢地都會好幫我既！Thank You So Much！~

        其實仲有好多野都想係度寫晒出黎，不過好似寫左好多喇！再寫大家可能會好悶，所以都係唔好寫嚕~嘻嘻！希望呢篇野唔 會悶親你地啦！ 最後，希望我可以寫到兩；三......週年之＊廢＊俯之言啦！多謝支持~

 by  芒果  

14/05/2002

週年Thanks List：

陳志康先生； 各支持本網既網主；各位係球場識到既朋友；同學仔們