兩週年之＊廢＊腑之言
兩年喇！唔經唔覺Cowboy Zone已經出左世兩年喇~既開心又感動。開心既係我從來未試過咁有肯心去做一樣野架喎~但係而家呢.......我做到喇~嘻 ！感動既就係我一路做一路得到咁多人既支持~好多人click入黎啦，又好多人留言。真係好多謝各位既支持！！
記得上次一週年既時候~講過好多開網做得唔順利既事。但係到今年，個網都叫做得幾順利啦！可能係因為慢慢咁摸熟左啦~所以我相信呢個網呢會一路繼續做落去既。上年仲講過好想同大家講<<兩週年既"廢"腑之言>>咁而家就好成功地同大家分享到喇！我個人呢就比較貪心既，所以而家就好想繼續有三週年；四週年..........。希望大家支持我啦，哈哈哈~
咁呢兩年裡面除左好多謝click過入黎睇、留過言既人之外，當然要多謝阿Cow啦~冇佢呢就唔會有呢個網既出現~如果唔係佢有好既表現，令到報章有佢既新聞亦都唔會有野俾我update上黎~咁你地話係咪冇左佢唔得丫！！
而佢一路都好支持呢個網架喎~亦都係4月頭果排黎留過第二次言~仲記得當晚我好早就睏左覺（異象！），但係Icq個status都仲係online mode既~咁睇到個留言D朋友仔呢就以為我知道所以冇打電話俾我喎！到第二朝好早就俾人整醒左，又睏唔番喎咪上下網囉！係眼曚曚之際，去到Guestbook見到個留言喎~當堂成個人醒晒~！！哇！！嚇親呀~果時仲諗緊個留言會唔會係假；係有人玩野呢 ，所以真係好多謝阿Cow一路都咁支持個網架~而有佢既支持咁就令到我更有心機去整個網！所以阿Cow（你）唔駛多謝我架~要多謝就多謝自己啦！！
最後想多謝係呢一年裡面幫過我既朋友仔（排名不分先後）：
南華妹：多謝妳成日咁幫我呀！！一定記得"人地冇既野我都已經有喇！冇野係要令到自己唔開心既！！" Thank You~仲有啦~你俾我d禮物咁"牛"呀~哈~鍾意死！！！
Cora：都係 果句啦~多謝！！嘻~多謝妳冇錄我音呀，唔係我就死淨條屍架喇~哈哈哈~其實係要多謝妳一路以黎既支持，仲有好靚靚既Tigger呀~哈~
Connie、S.S：冇妳地就冇"誠仔"喇~！當然我都會幫妳地支持Edwin同hoho啦（大家唔好誤會，Edwin同hoho都唔係足球圈既人黎架^^）
Cherry：
mimi、桃桃、阿嘩、阿燒：
芳芳(姑姐)：
Luka：
BeB：
子貓：
Ah Be：
朋友仔們：
阿Cow：
你地話丫~咁多人幫過我，我諗如果冇晒佢地你地都唔會睇到而家呢篇野！！ 總之就多謝Click過入黎既你啦！！如果漏左記得話番俾我知呀！~你知啦~兩週年太開心囉~會唔記得架~哈哈~！！
by 芒果
14.05.03