＊請注意：有（）括住既通通都你阿Cow先生既錯別字，留意留意^^
另外，阿Cow話左冇答既都係因為冇答案，所以先答唔到，所以希望提出問題既網友唔好介意
~~所有問題由 阿Cow親筆回答架~~
1)係南華對日本八鯨，踢左冇耐就傷左，之後就休息左好耐， 果陣自己有冇D咩感覺？
知道開刀果陣真係好唔開心，但又要積極咁面對，好矛盾
2)遇到外籍球證執法，會用咩語言同佢溝通？
好簡單既英文
3)咁耐0既職業生涯之中，高潮同低潮係幾時呀？
第一年上山 ＊ 第二年開刀之後
4)由流浪轉到南華直到而家係愉園，有D咩感覺呀？
每一隊波都有唔同既踢法，唔同既溝通方法，你要去盡快適應新環境
5)有咩野可以令你咁鐘意足球，要搵佢黎做自己既職業呢？
自己細個果陣見到香港直播足球，覺得好威，好有滿足感
6)好多足球員視足球為生命，你又點睇呢？
我亦都一樣，又有名，又有利，但要好好享受同珍惜，因為壽命唔長
7)如果呢一刻，香港再冇職業足球，你仲會唔會踢呀？
無左職業足球，當然唔會踢啦！
8)你覺得有fans支持自己同冇fans支持自己有咩分別呢？
有當然開心啦，球迷對自己有好大推動力
9)可唔可以講下同陳太點識0架？
同一間小學咪識囉！！！
10)你理想中0既屋企 & 家庭係點樣0架？
唔需要太大，簡單，乾淨
11)你最鐘意過D點樣0既生活呀？點先至會滿足呢？
放工可以係屋企聽歌，睇電視，放假去D少（小）人既地方
12)最後，可唔可能俾D意見同評語喱個網頁呀？
喱個網（綱）幫我做左好多唔同既資料，好詳（長）盡，亦成日有唔同既相同新資料，好掂 ！
最後緊係要多謝妳幫我用咁多心機做喱個網（綱），好多謝晒！