Cowboy Zone ◆ 訪問【四】

~~所有問題由阿Cow親筆回答架~~

 1)啱啱過咗個咁忙既暑假係咪好充實呢？但係又冇乜時間休息，咁你寧願休息多D定好似今次咁忙，充實下自己呢？

用一半時間休息，一半時間學下野咁就最好！！

2)係半個月裡面同兩隊咁強既球隊比賽，有咩感想呢？

好開心同好期待呢兩場比賽

3)咁連皇馬都對過喇！仲想對邊隊球隊呢？

每一隊世界級強隊都想對，見識每一隊唔同風格既球隊

4)球季就開鑼喇！對來季有乜期望呀？

期望梗係每場都贏同踢好D，不過呢D野冇人知，盡力啦！！

5)係南華下季搞青春班之後，你既人工有冇減到呢？如有，多唔多呀？

都幾多

6)減左人工會唔會影响你對足球事業既期望同熱情呀？

期望梗係有影響，咁多年都未試過咁差既環境，但係我都會盡力去練波同比賽

7)係而家香港球市，就算做得幾好，回報都好似唔成正比，你點樣可以保持鬥心，努力踢好每一場比賽呢？

回報少左實唔開心，但我都會尊重自己份職業同支持我既人，一樣盡自己努力！！

8)覺得個網頁仲差左D咩原素同有咩野想加入咁呢？又或者有D咩野係做得唔滿意，想改下去架？

好全面。冇野要改！

9)自由寫 – 有咩野想講就寫落黎啦，講咩都得！

多謝晒！！！

其實係阿Cow多謝我地之餘，我亦都好多謝佢架！！因為我俾左份訪問佢幾日，當佢集訓番到黎我就已經收到份有晒答案既訪問！！真係好快手呀，咁我就不得不快手咁update上黎俾大家睇啦！！