係呢度可以睇到晒D香港人對~陳志康~呢位"勁"人有咩評價同埋感覺！最重要既係，呢D野全球首次公開呀！ （得呢度有得睇架咋~）
Fan屎篇
以下全屬FAN屎個人意見，與本網並無任何關係，如要尋仇 ，唔好搵我！
Edwin Connie
雖然唔係成日接觸阿Cow，但係我覺得阿Cow踢波好"更"速度又夠快，簡直"掂ar"~仲有佢個人都好nice同埋幾funny..heehee..開頭我覺得佢個樣好似呂方ga..但係e家又覺得佢好似林保怡woo..haha....
BeB
嘩~真係唔識佢，不過識左芒果又好自然知佢係邊個喇，成日係度讚佢勁喎！就好想睇下呢個人係咪真係咁勁，果然呀下.........勁野！之後又完全唔識佢地叫左佢做<勁人偶像>喎，咁佢真係勁丫嘛！！總之一個字<勁>啦！！
邦邦
Cowboy嘛？好丫，跑得好快喎！技術又好好啦，總之就好叻啦！成日係報紙都見到佢個名就知佢有幾勁秋！加油！
桃桃
我覺得Cow個人幾得意，我雖然冇搵過佢，但有時見到有fans搵佢，佢都冇架子咁，應該係好好人既。佢個樣傻傻地咁，好似冇乜野諗，但係觀乎比賽中既佢，又覺得佢踢波好有計，轉數都應該幾快，同佢D速度一樣。佢雖然人仔細細，但好快，係左邊好大威脅，成日都攻呀攻，好勁呀。而且好摶，好認真比賽，真係難得，希望Cow比心機，繼續努力，繼續打南華就好喇!!加油加油!!
化名丘建威
陳志康身材矮小速度高，95年在香港奧運外圍賽為香港作出零的突破，入了一球，印象最深刻是某年足總盃替南華射入三球贏好易通。
子貓
又係96年足總盃既決賽，令我留意呢位球員。當時梗係覺得佢好勁啦 ！係咁重要既賽事可以入到三球，所以立即封左佢做偶像。跟住就成日留意佢既新聞，同埋寫信寄去南華會俾佢。覺得佢好好人，因為佢有回信俾我。之後search 到呢個網，識得芒果，就開始去搵佢。以前一向都覺得佢外表好靜，好似唔多鍾意講野咁，但其實唔係架！！原來佢可以講好多野，有時都幾長氣添......哈哈！仲有呀， 原來佢都識得搞笑，單憑外表真係睇唔出！！！同埋佢就算唔認得D球迷，都會同佢地打招呼，真係好人，有禮貌。
至於踢波方面，我覺得佢係球場裡，係好勤力同認真。同埋呢一兩年真係見到佢有進步。記得以前D足球評述員話佢 只係用左腳，但依家睇佢踢波，都見佢有用右腳，有時仲用頭鎚添。可見佢用過不少苦工！！！
阿Cow：繼續努力呀!!! 知道你都不斷自我增值，好值得我地學習！！
士多啤梨
我覺得阿Cow好nice，好好人，個樣戇戇居居咁，但係戇得黎好可愛喎！佢踢波唔駛多講，就緊係勁啦，有技術，有速度，仲有係「黃金超人」黎添， 一句講晒佢係「好」人一個囉！
Idy
阿Cow好好玩，佢有時真係好鬼好笑，講野都唔經大腦（我又點會一出世就有PS2玩丫.........）都可以話佢天真，同佢傾計好得意，好nice，仲有呀，佢好鬼長氣呀^_^
Cowcow踢波都好勁，佢球技當然ok啦~我最欣賞係佢既速度，佢人仔細細跑得咁快，佢過人既技術都唔錯，成日都可以見佢連過幾個人起腳．Cow仲有大把日子踢，加油啦，吸取多D經驗，一定可以成大器，向你夢想<<足球先生>>進發！！
芳芳
個人方面：好！十分好！超級好！非常好！不過初初識佢果陣都有俾佢個兇神惡剎既樣嚇到，以為佢係好cool好串果D人，所以唔係好敢同佢講野~識落發現佢其實好好人，好關心我地呢D撐佢既妹妹仔！仲有不能不提，咪睇佢個樣好似好醒好怕醜咁，其實佢都幾係八卦！有時懵懵下，仲好冇記性
踢波方面：嘩！勁！強！（喂喂！有邊個唔認同？企出來傾傾！）
最值得支持佢既原因除左因為佢好人兼好波之外，就係佢對事業上專業既精神！佢既熱誠同投入，我覺得絕對可以話係同行之冠！只要一上場，就能夠表現到自己既應有既能力，你係可以好feel到佢既power囉！
陳志康先生，俾錢呀！我sell你sell得咁"行"要收番廣告費架
最尾紅色果句係芳芳叫網主一定唔可以漏架！
Rita
我覺得亞Cow好nice啦，雖然同佢接觸的次數唔多，但係覺得佢講野都好搞笑，可以用戇直黎形容佢。至於佢踢波就唔駛多講啦，亞Cow出左名高速度，技術亦都唔錯，"飛"過晒D後衛之餘又可以扭過其他人喎，簡直係勁啦！！我覺得亞Cow仲有好多進步既空間，你要努力呀~！！
CMan
係我心目中既阿Cow呀?我覺得佢跑得好快！成日可以連過幾個球員！強呀~！好好人~仲有係我覺得佢個樣好得意呀~好似個細路仔咁好可愛~阿Cow~加油呀~！
Piccolo
阿Cow??佢係一個實而不華的球員沉默，上進，是一個不可多得的好球員除了對南斯拉夫一役發過一次脾氣之外，佢份人和藹可親，沒有架子至於踢法方面，比以前唔同左好多，仲記得佢初出道，係一個左附鋒，過關斬將能力好強，但係而家，佢就係一個正宗的左翼，佢的左路傳中，大有進步．我覺得佢係香港最勤力既一個，其實，係佢既成名作以前， 我已經好欣賞佢...
Cherry
我覺得阿Cow好nice，我係因為有個friend鍾意，所以先留意同接觸阿Cow，佢斯斯文文咁，但係又幾得意架喎而且一D架子都無，
又好有禮貌，見到面都會主動say個hi（雖然可能唔知我叫咩名......）
YAN
同佢唔係好熟！我覺得佢都會幾平易近人既！不過講親佢我都覺得佢好lucky！次次都係佢既黃金入球，好正！
Joyce
速度快，係一個好好既翼鋒，對fans好好，個樣好細個...
Mike（Car）
I aware Cow since a match a few years ago. At that time, I can remember that's a match against the other strong team (I forgot which team is it) in the final of FA cup!!!!! Before this match, Cow hadn't got too much chance to play on the field because there have another player play the same position as Cow. That's the player from China and good at left leg! I can't remember his English name, I guess is Quinliwu. But he's injured before match! So Cow had a chance to play on the field. And he played very well in this match. He has attracted my attention on this new face!!!!!!! Cow is a hard working, high speed and good skill player! I still can remember the match South China against to Manchester United! He can dribb past Stam or other defender! He's a good good player!
Mandy
Cowboy佢呀.........幾好丫~咪睇佢細細粒咁呀...其實佢打左翼都好落力架~用實力補番數!!!
叉燒
踢波都幾勁~好識把握入球既機會......
Oi Yi
踢法都幾好，都幾靚仔架佢
火宣仔
He is one of the best player in HK
亞琳
對亞Cow呀~~~~
球員篇
以下全屬球員個人意見，與本網並無任何關係，如要尋仇，唔好搵我！
網主已出盡全力將各球員口述既野打晒出黎，係一字不漏咁打呀！！！
楊正光
幾有拼勁架；幾積極，即係好少話會好容易放棄個D囉我覺得佢，因為同佢踢左咁多年，係囉！咁做人，覺得識左佢咁耐，十幾年，都覺得佢個人就都比較早熟，幾識諗將來既野，幾識為將來打算果D人囉...可能細個個時，我地個個淨係識得掛住玩，咁佢都會識諗定將來既野，即係我覺得佢都係幾成熟架~早熟囉！！
（網主見講咁耐都係讚既，就同光仔講） 唔駛一定讚佢架喎， 踩下佢都得架！
踩佢？？冇乜好踩喎，除左矮過我之外，我都算矮架啦！哈哈哈，仲有希望可以再同佢踢啦！踢同一隊囉！！！
潘文迪
踢波方面，有好既技術，速度好快，踢左翼位對對方既後衛好大威脅~份人就唔多野講，唔多出聲，但係識左佢咁耐，如果有問題要同佢傾，都會肯同你傾~大家都會一齊出黎玩，但係都會好少講野既！成日都會將自己D野（諗法）放係心裡面，唔會講出黎！個人性格係好既！！
歐偉倫
矮！擺明話俾佢聽既！
蠢囉！（某不能公開既原因）
份人好，但對我唔好（網主：點解呀？）
倫：矮人多計嘛！（網主：你牛高馬大，似你"蝦"佢多D喎！）
倫：我地唔"蝦"細路仔既
岑國培
係香港黎講係好好既左翼個（份）人幾好
丘建威
有技術既左翼，練波好勤力；有身裁；靚仔.......（阿丘話玩既）