陳志康為將來向老婆偷師

為了替三十歲掛靴後的生活鋪路，今屆重返南華的「阿COW」陳志康，笑言正向經營女性時裝店多年的太太「COW嫂」偷師。

    「我近排一放假就會落舖頭睇下老婆點做生意，我好多時都會幫佢拎貨，但講到SELL野，我諗我仲要有排學！哈！哈！哈！」「阿COW」說。「其實如果球市唔再差落去，我好想踢到三十歲左右先退役，咁之後靠咩生活呢？過去我冇認真諗過，但係呢兩、三年球市唔好，老友楊熙智又轉左行，我就開始為將來打算下。」「阿COW」謂。

    「阿COW」提到為現在葵涌廣場的時裝店開設分店或考取健身教練牌，都是其退役後的選擇。惟現年二十六歲的他表示，當務之急還是替「再續前緣」的南華爭取佳績：「球市再冇起色既話，真係唔敢想像，身為球員可以做D咩0者！咪畀心機踢好D，吸引番多D球迷入場囉！」 「今屆幾隊既實力都好接近，競爭性好大，D波相對會好好睇，希望大家多多捧場！」看來「阿COW」的推銷功夫也不差呢！