唉！講到校園生話，我都唔知由邊度寫起好。唔...不如由幼稚園？嘩...太耐歷史啦，點記得呀，我淨係記得我係係沙田度讀咋喎同我只係記得我讀個間叫"啟思幼稚園"，其如乜都唔記得啦。
唔...宜家講小學就有番 D 回憶啦。我讀個間小學叫"軒尼斯官立下午小學"，係係灣仔區既。我識左好多朋友係個度，但係最
friend 個幾個都係列 think呀，馬仔同低能啦。可能因為我地三個都係住係灣仔啦，大家有時一齊返學放學，一齊去玩，咁樣唔
friend 都幾難，哈哈！我記得個時電車重係五毫子(小童價)，我同馬仔成日一齊放學，佢請我食魚蛋，我就請佢撘電車，返起真係幾得意。落左車，我地重係度玩壓銀仔，我地將個銀仔放係電車軌上，等架車行過，咁個銀仔就會扁左好似成個一蚊雞咁，好鬼低死，哈哈。返起真係有
D 低 B，但唔低 B 邊係細路呀。有時我地會等低能放學，因為佢個時做風紀，有時要遲放，所以我地有時都會等佢架，呢
D 係我小學四年班既事啦。唔好以為我咁 cheap 無做過風紀喎，我同馬仔都做過架，我地好似係五年班個時做，但係我就做唔到我最想做個位啦
"帶班"，結果我只係做守樓梯咋，但無所為啦，都係風紀姐。但係我最想做既位都係班長。
個時我地小學無咩野玩，只係小息時可以打下乒乓波呀，跳下飛機咁咋，小學你想有幾多野玩呀。但對於我呢講，打乒乓波同跳飛機已經好好玩啦。我以前打乒乓波打得幾好架，成日做"皇"，哈哈，我無講大話架。至於跳飛機，簡值係瘋狂。有時為左去"霸"場，晨咁早六點鐘返到學校排隊等入學校，返起個時真係有恆心啦
(只係係玩方面，哈!)。
我最深刻個年都係最尾個年，即係小學六年級。我記得臨尾就黎畢業之前，大家都住一本紀念卌，周圜搵人寫，哈哈，我個時都係一樣啦。我個本宜家重係度呀。我記得我地有一次參觀維多利亞工業中學既開放日，我地個時覺得呢間中學
D 野好新奇，所以我地好多人都揀左呢間中學，就係咁，所以到左中學，我地好多人都重一齊讀書。唉...最慘既係我個好朋友低能唔知做乜揀左鄧鏡波，我記得個時佢一知道淨係得佢入鄧鏡波，佢即刻勁咸。我好多人都重記得呢段咁慘既片段。我橃如果佢入左我個間中學，歷史就會改寫啦。
宜家格左咁多年，好在我地班小學同學重有一年一次約會，所以我地重有 keep 住聯絡架。真係好難得呀。返起小學個時既生活真係開心，無休無累。所以我真係幾羨慕宜家 D 小學生架。