人地話：「個腦唔用係會退化的。」所以我自己由中二開始，就迫自己養成每日用腦的習慣──每晚都諗諗那天所發生的事。
經過了差唔多一年的「訓練」，發覺自己的確變了很多~~.............變得比較成熟、感性、已經可以嘗試從多方面去諗同一個問題......
升到中三啦，發覺經歷的確比中二多。眼見某些同學為了某些事而放棄自己的時間(我認為)，但到頭來，他們卻得到甚麼。只係純粹為了那份滿足感？或是同學、老師的那份讚賞？這令我在腦海中浮現了很多矛盾的想法。
我認為，他們所做的和那種想法、態度，在現今社會中，沒大多用：即係效率和質素的競爭，我個人認為：如果你能在指定時間內完成，你便有足夠的時間去修正、粉飾。但如果你只求美，忽視了時間的掌握，縱使你的構思怎樣好，也是枉然........當然，你花了那麼多的時間，自己一個人去做整個工作.....人家卻不勞而獲.....
隨之而來，我又有另一種矛盾的想法啦：如果在一個社會中，沒有這類人在默默地耕耘，放棄自己的利益，那麼一個社會又怎能有進步？唉！真係一個矛盾的想法呀！究竟我應該做那類人呢？為其他人？還是為自己(珍惜現在的時間去讀書)？我覺得：當你在一個社會中成功的時候，你才有力量去貢獻那個社會：因為只單靠自己那默默耕耘的綿力，對整個社會的影響唔大。因此，目前為止，我都係選擇做一個開頭比較自私的人，然後我有所成就後，才盡力去做自己認為有意義及自己喜愛的東西。
講到喜愛的東西，有人會為自己的興趣而花了自己的時間(我認為)，人家都話啦：「興趣唔可以當飯食。」可能他們的思想還沒成熟la，還未清楚社會中的變化，我深信：適當的調劑係必須的，但當他們到社會中闖練時，根據沒有時間去花太多時間在自己的興趣上。
我自己卻喜愛看電視(當然還有玩電腦la)，我現在看電視的時侯，通常習慣嘗試將劇情聯想到生活中(大多係校園生活)，這都係我訓練的一部份，有助我的思考能力~~......
13-15/5/2003
我今次想同大家分享我的作文(今次最高分呀)：74分
《伴我成長的香港中國婦女會中學》 17/3/2003
每天，我在且一時間起牀，在同一時間梳洗，在同一時間出門，走過同一條街道，又到同一個地鐵站，最後到達同一所學校──香港中國女會中學。
經歷過三年的時光，學校猶如滄海桑田：原先是一所設備簡陋的學校，現在已成為一所標準校舍，還有工程正在進行呢。但學校裏的「情」，依然沒有改變。學校裏的老師，同學們都與一起經歷喜、怒、哀、樂。在我因成績不理想而感到失意時，同學們會鼓勵我，替我分憂，老師們會教導我、支持我，一直對我存有期望；在我成功而感到高興，老師們會稱讚我。
記得有一次，在我中二的時候，在一次測驗中失準，由本來的第八名退到第五十三名，我當時感到萬分失意，做甚麼事也提不起勁，但同學並沒有因此而疏遠我，反而加倍鼓勵我重新振作，在餘閑就幫我解決學習上的疑難；老師們灳沒有因此而大發雷霆，反而更積極和我的家長溝通，尋求解決的辦法。最後，我最終能回復我一貫的水準。
老師們除了教授課本外，也常常把他們的經歷告訴我們，讓我們引以為鑑。老師啊！您們真的是用心良苦啊！
這所學校伴我渡過一切成功與失敗，令我學會振作，將來我一定會去報答它對我的恩情，及將校訓的精神──「博學篤志」──發揚光大。
感想(鄧老師)：
「滄海桑田」：過於誇張！我們學校一向都是標準校舍，只不過現在有擴建工程！
「這所學校伴我渡過一切成功與失敗，令我學會振作，將來我一定會去報答它對我的恩情，及將校訓的精神──「博學篤志」──發揚光大。」：收結有積極意義──確立了自己的人生路向。
整篇文章：雖無太多的修飾，但平平實實的寫亦自有一份吸引力，感情自然真摯，愈看愈有味道！
16/5/2003
今次測驗，差唔多所有人都退步(包括我在內)，只不過係比較邊個退得多。而我今次只係退步了些，由第三名退到第四名 ^_^，主要都係物理科失手(只係得33/40, 82.5分ja)，串錯字，發眼嗐lor>.<。但今次測驗最奇怪的係：我開始不太那麼著緊我的成績(除了物理科)!?我自己都唔知點解，可能係我已經習慣了那些測驗考試^^
講到成績，一定有人高興，有人唔高興(多係家長la)。果日在「中三選科.....(唔記得lu)」，家長在課室接到那張成績單仔，再回到禮堂見他們的子女，我見到小班(化名)的媽咪好憤怒的說：「做咩今次考得咁差ga？你有冇俾心機讀書ga？」，小班今次的確係失手(因為佢以前D成績唔係咁)，但佢的家長係唔係俾得太多壓力佢呢？我只係知道佢的媽咪在佢細個的時候，要佢(迫佢？)學好多野，以我所知，好似有芭蕾舞la、鋼琴la、國畫la........而小班佢本人，我認為，資質並唔差ga，只係唔小心，又太緊張lor，只係在數理方面，稍為差少少lor，有得救ga。但佢仲有好多優點ga：佢個樣都幾好，唔算太差，又學過咁多野.........
講完成績，我想講下人格，果日，又有一位叫Ricky的家長好憤怒，Ricky佢竟然話俾佢媽咪聽，講座在下午三時開始，搞到佢媽咪在校長老師講哂之後先黎，只係可以聽班主任的講解。唉.....Ricky，到目前為止，都係咁粗心大意。佢份人就係咁ga la，做事粗心大意，又冇記性，做project又唔肯做野，到佢做la，質素當然.....我覺得佢基本上係冇得教，又冇得救。
我覺得，測驗考試真係好睇學生的性格。而我自己，就將學生分為若干類型：第一種的人，又醒目，又肯讀書，佢地多數可以有好成績(我覺得我自己唔算)；第二種人，雖然醒目，頭腦轉數高，但無心向學(ABC同學)，成績大上大落；第三類：資質唔太好，但夠哂勤力，成績多數中上；第四類：普通人一個，第五類：資質又唔好，又唔俾心機讀書，唉......遲d在社會中好難有一番作為ga(希望你可以俾心機讀書la，做返第三類人)......
其實我覺得：讀書真係好講天份，一個人領悟高的話，講一次佢就明白，睇一次就了解，這樣溫書用的時間會比其他人少好多；相反，如果一個人領悟比較低，我諗佢要花兩倍，甚至三倍，先可以有同樣的質素。我又覺得，好動、活潑的人明顯係比文靜、被動的人學得更多。因為佢地肯嘗試向人講自己的意見~~。其實我們多與人們溝通，講出自己的感受，係能夠間接訓練自己的膽量ar。 ^_^
17-21/5/2003
時間過得真係快，就快到學期尾lu。考完期考，大家就要揀科，跟住就分開黎讀la，真係有D唔捨得。我自己覺得這一年的經歷對我黎講，實在係太多la。除了自己進行了「學術大改革」，令自己成績突飛猛進外，也同時實行了「人格維新」，徹底去改變自己，成功與否，連我自己都唔知道，但我只係知道，我比以前的確靜了o左好多，冇咁煩 ^_^.......
D人話：「越大個，問題煩惱就會越多。」我好認同o架。唉.....有時真係幾羨慕D同學，乜野都唔洗點去諗(或者冇太多野諗)，去享受校園生活.......同埋現在的人生。(可能我自己太多野諗la ^_^)
中二同中三最唔同的地方，就係自己的價值觀la，特別係對藝術方面，係邊個令到我「覺悟」？你估下，係有兩個同學的。佢地就係......鄺子姍同學同埋余爍妍同學lor。講你都唔信la，鄺子姍同學為o左一幅畫，可以花上十幾個鐘頭喎！(這就是Art全級第一o既功力la。冇錯，出黎o既效果的確相當好，但我個人認為咁樣係浪費時間)；跟住係余爍妍同學la，佢真係犀利，課室裏面全部o既壁報都係差唔多佢一個人做哂(有時仲開通宵添)，最後全部都係冠軍！佢自己又非常之鐘意Art，但畫來畫去都係D得意o既公仔，份人係有D幼稚(但佢份人好醒o架，但係點都醒唔過我^^~)佢地對藝術果份熱誠，真係值得我去學習o架。(但講到天份，我真係唔及佢地，我只係欣賞佢地為藝術而不顧一切的心)~~
其次就係Project Work la，有一個同學可以將成組o既工作，一個人做哂，一個人由朝早做到夜晚，出到黎o既質素又幾好o架(話哂佢都係Art全級第三喎)，佢就係葉羨衡同學la，佢都可以話係全能型ga la，成績都過得去，唔太差，唔太好，但電腦水平，好明顯係勁過好多人(唔知勁唔勁得過我呢？)，份人相當好，唔係太顧及自己的利益，有時為o左幫人，搞到自己都冇時間做其他野。唉.....佢真係太過好人la(我自問做唔到)。佢的要求又高(不過效率就稍為低o左少少)，一定要做到最好為止，搞到自己鬼咁忙。
講到成績，都係靠自己多ga la，不過都要多謝佢地(mostly 張振海同學)，眼見佢地D水平不斷地進步，於是就有一股衝動想超越佢地，最後掀起o左一場「學術大改革」，徹底咁改哂自己粗心的大問題(但到目前為止，到仲係有，不過效率已經少o左好多lu)@_@
講到朋友方面，知心o既真係唔太多，我諗暫時得一個：鄭嘉敏同學。我差唔多乜都同佢講，佢又差唔多乜都同我講，佢可以話係我最好的傾訴對象(佢份人都好好人o架)，不過佢最唔好o既地方，就係份人太心散，冇心機讀書(領悟力一般)，成績當然不太好la，真係希望你可以快D開竅，俾心機讀書la(你可能覺得我幾煩，幾似你爹o地，但我都係為你好咋><)~~
19-24/5/2003
果日(2003年5月27日)o既數學MC Test，出乎我意料之外，我竟然錯o左7題，我以前最差都係錯4題><......唉。我知道MC唔係我o既強項，但亦都冇理由會錯咁多題掛(30題錯7題喎，得 七字頭咋)，對於一個數學一路以來都唔錯o既人(我Paper1都幾高分ga，上次測驗仲滿分添，咁樣俾佢拉一拉，攪到淨番大約90分=_=)，真係諷刺(之前測驗就全級第一，今次就......全班尾二)！
我唔係輕敵，只係有3條唔識，4條粗心姐。回想番，我中二都試過la：之前數學考試有94分，但到o左下學期測驗(長題目)，嘩！即刻跌到6字頭，但係果次大多都係粗心，冇咁多唔識做喎(比起今次)。我呀哥話：「做MC唔同做長題目，MC題目明顯比較難，係有獨特o既方法ga。」所以我諗我依家會嘗試「拜師學藝」lu.......
諗番以前(在小學o既時候)，我D數真係差到.......唉，連百分比都唔識計喎@@。隨住我自己慢慢咁開竅，D數就變得比較勁o左(大約比以前勁o左5倍！)。於是，有一日，我就諗la，有D乜野有這樣o既能力，令我o係短短o既兩年間，有如斯重大的轉變，令我o既思考能力「昇華」到另一階段呢？這個問題足足諗o左我成晚咁耐(因為我要由我小學開始諗起)，發覺自己因為果樣o野，而令我開始鑽研另一樣o野。
第一樣係電腦：我記得我係o係小學六年級時，屋企先有電腦。講到電腦，對於男仔來講，點都離唔開電腦遊戲o掛 ^o^。我記得：第一隻令我沈迷的game係《三國志曹操傳》，這隻game令我對三國產生o左濃厚o既興趣，因而開始鑽研《三國演義》。o係好偶然o既機會之下，比我睇到有D分析三國時候o既書(之後係《孫子兵法》)。睇下睇下，覺得又幾好睇，印象最深都算係《三國人材成功術》。時間耐o左，先發覺那些書都係屬於哲學類，於是就慢慢鐘意睇哲學書(第二樣o野)。
我先後睇過關於成功la、演講(口才)la、人際關係la......o既書，感觸最深o既係《做人不要太認真》這本書lor。跟住，思想慢慢成熟，諗o野o既方法又唔同o左，又快o左，個人變o左，鐘意諗o野，乜都可以諗一餐......
我依家有時間，都會去借番D哲學書來睇下^^.....
唔知點解，我依家冇以前中二果陣咁睇重D分數，即係就算今次失o左手，亦唔係太過介懷，好快就覺得冇事lu.......可能係我的思想昇華到另一階段啦 ^_^
26-28/5/2003
昨日(30/5/2003)十點幾，張振海無端端打電話o黎，問我聽日得唔得閒，我自己都覺得有D唔妥，佢自己又唔會無端端出街，更加唔會約我出街，我知道肯定有D「好o野」益我ga la。原來係叫我去PTA所謂o既聚會幫手，幫乜o既？當然係好o野啦！叫我只係o係遊戲時間(學生會攪o既)幫手姐，其他時間就冇o野做lu......見佢係咁求我，於是便禁不住心裏o既同情心，答應了他，仲拖埋人民幣落水添^^。
今日，辰咁早就起身(7:30am呀，前晚仲成2:00am先o訓添)，跟住因為計算錯誤，攪到辰咁早就番o左學校(8:30左右)，張同學仲約o左我地8:45，而佢自己就......o係成8:50先番......唉.....跟住從周漢威同學口中先知道，我地可以9:00番......張同學，你都算勁喎......
聚會由2:00pm先開始，之前都係綵排。嘩，要成幾個鐘綵排，綵咩排要咁耐呀？其實，我地要做o野o既時間只係短短o既二十分鐘姐，之後我先知道我o既職責.....只係派禮物....無聊，早知係咁，我就一定唔會番！
PTA聚會中o既節目非常的豐富，有執委會委任典禮啦，中一Presentation(太精彩喇)啦、個人演唱啦、個人朗誦啦、話劇表演啦，同埋管樂隊表演。係唔係好多節目呢？特別係套話劇，俾我印象好深：套話劇，一個字講哂，「悶」。我只係o係佢地綵排果陣時欣賞，成套劇都係講爸爸死了，子女非常傷心，最後振作起來。唉！仲話係甚麼最佳劇本喎.......原來陳瑋翹同學佢被委任為個人獨唱的鋼琴伴奏，不過Miss Mak約佢9:30am，佢到10:00都唔見影，我地估佢冇11點都唔會到，佢竟然o係10:15am奇蹟地出現.......不過佢遲o既習慣都改唔到。
跟住到管樂隊綵排，一開始都覺得幾精彩ga，但聽得耐o左，開始覺得悶，o係果陣，我先明白到，點解D人o係那些表演完結的時侯，總會高興地拍掌，原來大多數都唔係欣賞，係因為可以走la@_@(通常一個concert都要大約2小時，長D就要4小時添)。
聚會終於開始喇，不過就遲o左成一個鐘先開始=.=，攪到成6:15pm先走得......，開OT開o左成個鐘。
睇過管樂隊表演之後，又更加對陳同學改觀，發覺佢好唔專業，佢o係台上面表演o既時候，總共抹o左五次鼻，又跌o左自己o既眼鏡，仲同旁邊o既人傾計添。回想番：我覺得自己都幾冇用.......除o左讀書，我就乜都唔識la，特別o係藝術方面，運動又唔係好勁。
而我自己知道因為我細個時冇學過任何樂器，自己又冇音樂天份......唉，算啦，我自己知道自己事。不過我覺得音樂o既真正意義係陶冶性情，唔係比較lor.....~~講到自己o既強項，我諗係講o野喇，我可以當住好多人都唔驚，有乜講乜，乜都可以講一餐(當然包括八卦o野)，所以Presentation都比人較為出色。
人，就係咁ga la，永遠都唔知足。不過我點都唔會因為咁而埋怨我的父母ga ^o^
31/5/2003
近排都係忙於溫習考試，都冇時間寫日記。加上近日o係學校又冇咩特別事發生。
成十科要溫，科科都差唔多要溫成本書，淨番十日ja，一日一科喎.......不過依家個個都係咁ga la^^
我諗我會o係考完試先再寫日記，除非有D特別o既野吸引到我啦........
1-5/6/2003
今日下午，無無聊聊咁同我呀哥同埋佢D同學去睇戲，都差唔多隔o左成半年冇睇la，初頭我都唔知我地睇乜戲(因為唔係我買飛)，我臨入場先知我地要睇果套乜鬼《衰鬼上帝》，我一聽個名都知道肯定係笑戲一套......
真係唔知道買飛果個有冇問題ga.......買到個位咁好ga：o係正最前果排。搞到我地個個都要「岳」高個頭o黎睇，記住，我地果陣係睇緊西片，冇粵語配音ga，好多時要睇字幕。
坐o係最前面，D字幕鬼咁大隻，睇到字幕又睇唔到畫面，個畫面，睇到左面，就睇唔到右面.......當我睇緊D片頭果陣，突然一下爆炸，真係刺激！無端端又有條鯊魚wor，佢開口o既時候，因為太近o既關係，真係有D驚驚ga ^_^
我地個個o訓o係度睇，初頭都幾舒服ga，但係時間耐o左，條腰開始麻痺><，但睇睇下都習慣o左。
咁樣睇戲法，都係第一次ja.......不過有時都幾好：因為睇不切字幕o既關係，這樣可以improve 我o既English listening呀^^
大家不妨搵一次試下坐坐最前果排，感覺好得意ga......
6/6/2003
世上最沒可能的事情終於發生了：化學科考試.......沒有九字頭.......更沒有全級第一(即是沒有$200)，之前次次都差不多滿分。
整份卷應該沒有粗心，全部都是不懂.......做到最後......連題目問甚麼也不知道.......唉！五分就這樣.......又錯了一條填充.......整份卷最多都是得八十多分.........
算吧.......自己都無謂計較了，唯有靠其他科la ^_^
16/6/2003
今日考的科目係English Dictation 和 Geography。
English Dictation中，seen應該冇錯(我認為)，unseen應該錯了五至六個 >.<，不太好也不太差，全部差不多都係不懂，雖然還有少少粗心(例如漏了"s")，不過我認為都過得去la ^o^
接著是Geography呀，好奇怪地，我只係用了一整天......九個鐘頭.......來溫五課書(只是背了課文總結同少少keywords ja)，出來的成績都幾好喎，真係好彩.......
17/6/2003
今日數學科考試，大致上都算幾好。前晚仲因為可能太緊張的緣故，差唔多成4:30am先睡覺添 ^_^。
Paper 1應該扣了一分(我估ja ^_^)，自己錯埋哂D普通人唔會錯的地方 ── Inequality幅圖，畫漏一半喎！(即係 x < -5/2 or x < 1，答案係 x < 1，那麼只要畫它就行了，但我就畫哂兩個=_=)
到Paper 2 la，好明顯，今次份Paper 2淺了很多，連我都可以錯2題(總共35題)，有題粗心，有題真係唔識計........ ^_^
18/6/2003
今日考英文作文同埋物理。英文作文，唔知點講，總之識作la ^_^。
到物理科，MC好似錯了兩至三題，問答方面，有題幅圖睇來睇去都唔明，因為佢好似畫錯。
唉.......D小數又唔記得correct to 2 decimal place添，自己就correct to 3 sig. fig.呀，計對了又冇分.........
19/6/2003