嘩! 好多人呀! 大家好! 我係黎小明呀. 你地可能冇人見過我, 其實我成日都走出黎o架, 不過你地留意o個個唔係我, 你地留意o個個叫做黎老明呀!
我好細個就係北京o黎到香港, 我爸爸成日同我講, 佢話做人千祈唔好同人比較, 所以我地屋企就算唔係好有錢, 但係生活得都好開心.
我自細就好鍾意音樂, 所以一畢左業之後, 我就參加新秀. 到我做左歌手, 我先發覺原來做新人係冇乜錢架. 所以我就去左賣電話o黎幫補家計.
其實我而家都有賣架, 你地買左未呀? 3 G 喎.
唔經唔覺我入左行都20年啦, 我做左好多o野. 有 d 開心o既, 有 d 唔開心o既. 比人話唱歌走音, 做戲唔認真, 咁咪唔開心囉.
最開心既就係捐公益金, 跳bungy jump, 拍陳可辛, 演黎小軍, 不過未能結婚.
結婚係好困難o既. D 人成日話我追女仔好叻喎. 哎! 你估我係o個個雷頌德同杜文澤咩.
其實我都唔係好明o架, 佢地兩個咁肥! 都有人話我同d 女星傳過緋聞, 有d係真o架, 至少我自己以為係.
冇所謂啦, 我好明白做我地呢一行, 你冇做過o既, 人地可以屈你話你有做過, 做得好o既, 人地可以當睇唔到. 你對人好, 人地未必對番你好.
不過我從來冇諗過還擊, 因為根本唔識. 我淨係識做我鍾意做既野.
我鍾意音樂, 我係唔會變o既, 因為我係我. 我只不過係一個好簡單o既人. 我好明白我係一個藝人, 一個藝人, 你地開心, 我開心.