News - 2007.10.20
笑看杯葛傳聞 麥皓兒鄭瑩瑩友情至上
賈曉晨（JJ）在味之天使中火速跑出，惹來其他「天使」杯葛，姑勿論傳聞是否屬實，但女人多的地方不一定只得勾心鬥角。兩位「天使」忌廉麥皓兒及橙汁鄭瑩瑩，由選港姐到當味之天使均互相扶持，友誼至上，更齊聲力撐JJ。
身為味之忌廉天使麥皓兒（Joey），雖然風頭不及梳打妹JJ強勁，但已有不少網民留意身材嬌小但舞姿最好的她，在討論區上廣受讚賞。好學及好勝的性格，令她連續兩年奪得香港校際普通話詩詞朗誦組 冠軍 ，以及連續三年奪得校際話劇節最佳女演員，又在05年獲選傑出少年，足見她早已是風頭躉。
學校風頭躉
反之踏入娛樂圈 ，她的風頭不及大熱倒灶的何傲兒及JJ，但她仍落力演出，她知道娛樂圈是一場耐力賽：「出唔出到位我冇刻意諗，就算選港姐都冇諗入三甲，只想做好自己，學到�霽N夠。只要有心做，我信一定會做出成績，但我諗唔到選港姐時已有Fans，有次我去澳門玩，竟然有人問我係咪一號。」
排舞最用心
身旁的好姊妹瑩瑩亦大讚她勤力，指她排舞時往往是最用心的。對於被指杯葛JJ，她說：「JJ有同我食過野，只係等埋位時未必成日有人陪，我都會一個人坐埋一邊，唔通又叫杯葛咩。」
向JJ學習
身為味之天使橙汁的鄭瑩瑩，雖然不及JJ新聞多，但她卻視JJ為學習對象，認為她自有勝人一籌的條件：「我覺得JJ好值得學習，因為佢無時無刻都可以擺出靚甫士，好似拍《味分高下》佢係隨時Ready的一個，我相信佢一定係花過唔少時間同心機。」由於梳打較受注目，近日又傳出八個女仔玩杯葛，橙汁卻沒有感受到：「我入行時間雖然短，不過真係唔覺有明爭暗鬥，好似我唔識跳舞，Joey又會教我，我覺得大家好肯互相幫忙。」
橙汁在香港大學主修比較文學，雖然中文根基好，但畢業後卻沒有想過要在這方面發展，她說：「我好鍾意周圍旅行見識，所以諗住做空姐睇世界，點知有機會選港姐，又有機會做節目 ，咪又試，其實當日選港姐，都唔諗過會入圍 ，因為表現唔好，後來入到八強，我都好開心。」
麥皓兒小檔案
英文名：Joey
年齡：19
三圍：33、22、33
學歷：中學畢業
入行經過：07年落選港姐，現當味之天使。
強項：唱歌，話劇。
News Photo 新聞圖片 → ENTER