§ Diary §

琴晚同完阿媽鬧交.....今朝一起身我地兩個都冇乜野喇~~~~~我正常同佢
道歉之際，佢同我講話佢有幾撻地方唔知點解瘀左.....跟住仲話以前我
阿嬸都係咁.....(我阿嬸血癌已經死了)跟住我就開始勁驚...雖然我o係
阿媽面前仍然好震定咁講冇野既...一定冇事!!但係就開始勁唔開心同埋
勁擔心...我都feel到佢自己都好驚...唉...講講下，我d眼淚就湧出
黎...但係媽咪都仲未見到我喊，我就已經入左廁所lu...因為唔想俾媽咪
知道我咁擔心...所以都忍住左呢~~然後好快咁就話出門口返教會喇.....

一直我都係勁勁擔心...o係條街度都係咁標眼淚出黎.....唉...上度車又
係...正一大喊十...跟住返到教會又忍住喇~~~~~唉...又遲到了，對唔住
小鳳!!因為我一返到教會就feel到小鳳好早就返左去做左好多野...而我
又冇幫到手...唉...呢個手工部真係唔係好掂...跟住整左一陣野就落左
去同小鳳去泰國美食食lunch喇.....下次都係唔好去，唔抵呢!!而且今日
又唔開心.....所以食淨好多野...極其反常既我令到小鳳feel到我有野唔
開心.....佢想關心我...但係因為我驚我一講出黎又會喊...所以就冇講
喇...再一次對唔住小鳳!!之後食完野就拎假校課本去印!!印完就返上教
會lu...

返到上去，祈禱會...講布咩代禱事項果陣已經勁想喊...不過忍得住!!之
後分組祈禱呢.....就真係死晒...喊到抽晒筋咁...唉!!!要好多謝唔可以
同埋大tine呢~~~~~安慰左我超超耐...又阻住唔可以練詩，又阻住大tine
做野.....唉!!多謝妳地呢~~~~~之後過左好耐先平復返.....之後就出返
去練詩喇!!跟住團契、練sing group我都已經冇晒事喇~~~~~Singing
group完左Henry仲車我地返屋企添...Thank you~~~~~~

唉.......而家一諗起媽媽件事就好擔心~~~好驚會隨時失去佢...自己又
無乜做過孝順仔...成日都同佢頂咀...又唔同佢去旅行...又成日唔陪
佢...讀書又唔好...又唔幫手做家務...琴晚仲同佢鬧交添.....霎時間所
以對佢唔好既野都諗返晒出黎.....唔係!!我根本就冇乜對佢點樣好
過.....就連好簡單既一句：媽咪，我愛妳!!都未講過......希望媽咪真
係乜事都冇啦.....唉.......