§ Diary §
首先係~~~~~William，生日快樂!!!
嘿嘿...今日考Maths呀~~今朝等等下巴士，"吳折腰"打左黎問我點咁
standard_deviation，跟住就同左佢傾陣計，舒發下自己緊張既心情喇~
嘿嘿...點知一傾就半個鐘...真係犀利呢~~~今日要去舊校考試。好懷念
呀!!!一返到去就見到肥滔喇...見到佢又係咁同佢講野...哈哈...搞笑!!
之後又見到Tracy喎...真係好喇~唔知佢識唔識呢??8點10分就可以上定至
房預備喇~~行行下又見到阿顯江wor...嘿嘿嘿...條友真係勁搞笑!!我同
佢係咁吹水，吹到極大...嘿嘿嘿...低B!!!
之後Paper I，我覺得做得唔係太理想，有好多都唔知o岩唔o岩←???不過
應該坐底有C卦~~最衰唔係好夠時間check卷啦!!!算數，過左就算!
之後半個鐘break，又同顯江同肥滔吹水.....一.一"個個都話自己A硬，
哈哈哈...跟住佢地兩個仲話Paper I係100分滿分...明明就唔係!!跟住就
同佢地狡辯喇~~我地幾個係度勁大聲咁講...哈哈哈...搞到勁多人望住我
地~~低B!!我話同佢地一齊問下d老師，佢地兩條友又話我同D阿sir、Miss
夾埋，點都唔信!!跟住顯江仲話："如果你(即係我)叫到校長開咪宣佈話
PaperI係99滿分，我就信喇!!"妖...勁煩!!嘿嘿嘿...跟住經過一返糾
纏，我一個人既口始終鬥唔贏佢地兩個!!!結果俾佢地將事實歪曲PaperI
係100分滿分!!>.<"!!
之後就到PaperII喇~~嘿嘿..我諗MC應該冇乜問題既~~~因為做果陣都係得
兩題唔肯定...其他都計到答案!!嘿嘿...醒!!
之後一完左就即刻飛去教會lu~~~因為要同William兄慶祝呢!!!!!"生日快
樂!!!!!!!!!!"哈哈...一返到去，就見到阿飛為我地預備左既~~Pizza!!!
正呀~~Josephine(Jos)仲帶左條芭蕾舞裙俾阿William著添~~~哈哈!!跟住
我好快就勸服左佢著喇!!(其實係強逼←嘿嘿嘿)
新娘(芭蕾淫兄)出黎之後，佢地已經預備好晒，插晒D蠟燭上個Pizza度~~
跟住我地就唱生日歌喇!!Yeah~~~~~唱完有得食!!!呵呵呵~~食食下浩恩個
電話響，跟住佢即刻走去聽，然後講：我已經做緊件好重要既事呀!!陣間
打俾你.."跟住佢走返過黎果陣，我就問佢有咩重要事呀~跟住佢話因為要
食野wor.....哈哈...竟然唔係幫William慶祝~~哈哈...好搞笑!!
差唔多食完果陣，Jos原來仲帶左對芭蕾舞鞋返黎，起初諗住俾William
著，不過唔o岩著呢~~咁小鳳就拎左黎著喇~~嘿嘿!!食完野之後，我地個
個圍住William係咁影相，要佢做埋d勁樣衰既動作(因為佢著住條裙，所
以點都好樣衰)嘿嘿哈哈哈...之後Jos仲教William兄跳芭蕾舞添，我地仲
好狗咁樣拍埋片!!!哈哈哈.....玩得勁開心!!(←我地)不過阿William兄
就有d無奈喇~~之後我地叫左Macharlie幫我地影合照~Yeah!!!!!勁好玩!
其後仲有Jos同小鳳扮猩猩既變態行為...嚇死人呢~~哈哈哈!!!
差唔多玩到3點啦，我地又開始溫書lu.....我就o係度對返份MC，Yeah!!
好似錯左四題咋~~~唔錯!!希望拉埋PaperI有B啦~~~~~阿草同William分別
就錯左一題同埋錯左三題...一.一"果然係A硬!!
之後又溫左陣Physic，勁眼訓呀.....一.一"嘿嘿嘿...之後竟然走左入去
打乒乓波wor...仲要打左勁耐wor!!!哈哈哈...跟住全部男仔都入晒去打
波，淨返Jos同埋阿草係度溫書~~勤力呢!!!浩恩係球王呢!!經過我、阿
飛、William同埋涼亭車輪戰，竟然一場都冇輸過~~真係犀利!!嘿嘿...玩
到5點幾就唔玩喇~~出返去溫書lu~~~~~哈哈哈哈....Phy一向自稱廢柴既
我今日向左好多位高手請教，例如有，飛哥哥、浩恩仔，淫兄
(William)，阿草同埋Jos，仲有涼亭!!佢地真係把著有教無類既心黎去教
我!!!真係好感動呢~~所以決定聽日都會繼續返教會比佢地教~~嘿嘿!!
到左六點幾浩恩走左~~涼亭走埋，William相繼請遲。但係涼亭一食完飯
又返上黎自得其樂(←打機!!).......七點幾，到阿草走喇~之後我地就叫
阿草落去幫我地叫定雞蛋仔!過左陣我同Jos就落去俾錢同埋幫阿飛爺買麥
記喇~~好快買完呢~
我地上返去就開餐喇~~跟住我，阿飛，Jos係度談論未來大計~~講下自己
第時想做咩~~哈哈...真係人各有志呢!!其中，我仲話買Game果d舖頭一定
好o岩涼亭，因為可以成日都打機!!!哈哈...o岩晒佢!!食完野，飛少都走
左喇~~得返我、涼亭同Jos!!
跟住就開始溫書喇~~Keiko打左俾我呢，話我Maths拎到A喎~~哈哈...我都
好想，係就好lu...始終都係到時先知!!哈哈..然後佢仲話左phy會出d咩
添~~真係好人兼靚女呀!!!!!之後就睇下我以前寫d_notes~~哈哈....睇完
之後都九點幾lu...就叫左涼亭同我打乒乓波喇~~哈哈哈!!打到十點幾，
我地就同埋Jos一齊走喇!!!哈..今晚Jos約左人唔使我送呢~呵呵!!
之後返到屋企先食飯，online睇到Jos果日記...寫左勁多次我個名呢~哇
哈哈哈...開心!!但係之後又見到Judy今日原來病得好辛苦呢...慘慘!!
>.<"所以就留左個言俾佢喇!!!!!希望佢快D冇事啦!!!!!
會考成功!!
