§ Diary §

哇哇哇哇哇wo~~~~~~~~~~~~~~~~~~講返今日行程啦!!!!!Yo~~~~~~~~今朝
同周詩一齊返番我屋企拎d學生相...跟住仲hae左陣添~~~~~哈哈!!到左8
點半就出門口返學校喇~~~~~yoyoyo~~~~~放榜喇放榜喇!!!

我地差唔多行到我學校門口果陣，發現左我班主任都係早過我少少返
到...都心知不妙~~~跟住又唔俾訪客上去wor.....搞到周詩o係下面大汗x
細汗...辛苦了!!!跟住係hall搞左勁耐都未得囉.....等到差唔多9點20分
先至派cert呢!!!!!哈...真係一d都唔緊張呢~~~~~~極勁出奇地拎左20分
囉!!!之前仲同阿富話鬥高分，我拎20分諗住餐飯都係我贏緊架啦!!!點知
佢都係拎20分......冇野好講.......一.一"

d分多多少少都見過~~~有d人就好唔開心...有d人就好冇乜所謂...都有d
人好開心...不過係一個咁細既環境入面同時面對咁多個唔同心情既人，
真係好難!!!!!好似我咁...我唔敢走去一d好傷心既人面前...我唔識點樣
安慰佢地...唉...淨係遠望佢地傷心既表情...真係有d難過!!香港考試制
度就係咁架喇.....唉......

拎到張cert之後，仲使講...梗係走啦!!!哈..不過間學校勁狗呀!!專登搵
人想留難我!!!!!哈哈哈...要我讀原校!??!咁不如我去外國讀啦~~~傻傻
地既!!!!!哈哈哈....之後我就好快咁落左去搵等我等左好耐同好辛苦既
周詩喇!!Yo~~~~~~~~~~~~~~佢見到我個分之後...好明顯係開心過我架!!
哈哈哈....雖然我都幾開心...不過唔知點解好似好難表達出黎咁!!哈哈
~~之後我地就返左屋企抖一抖，聽下笑談廣東話，relax一下~~準備下晝
搵中六學位~~yoyoyo!!!!!

下晝1點40分~~我同周詩到達左沙田區既聯招中心!!嘩...去到既時候已經
有好多人喇~~我表格都未拎...諗住實有排等啦!!點知......落大雨!!!
yoyoyo~~~~~唔使等~~14分以上就有得拎籌~~yoyyo!!仲好快就有得入去
hall度填表添~~哈!!我諗原本要45分鐘既時間，而家15分鐘就搞掂晒...
實在太正了!!填完表就要過隔離學校，跟住又入hall~~今次凡俾人截住
左...因為d門口人話有籌先入得...果陣周詩拎住張籌...搞到我冇得入去
囉.....最後都調返轉~~哈哈哈!!之後入到去就向自己理想學校既area進
發!!~~~~~~體藝!!!!!yoyyoyo~~~勁多人排隊囉!!!好彩之後有個Miss話高
過19分既舉一舉手...之後仲有得優先添!!yo......然後個miss隔左陣又
話理科既舉手...跟住原來排我前面果排人都係文科......哈哈~~咁我就
好快咁有得first_in喇~~~~~之後好好好順利地進入2nd_in...哈!!要行五
層樓呢!!!!!勁遠wor~~~~~~之後上到去，等左兩分鐘倒就入去in喇
~~~~~yoyoyoyyo!!!!!跟住好成功就入到體藝lu.....Yoyoyo!!!

之後同周詩好開心咁去左食麥當勞，食完麥當勞就返教會...但係無耐地
係冇野做囉.....到最後都淨係得我同周詩兩個食dinner~~哈...我地去左
和庭日本料理食呢~~~幾好味架~~價錢都唔錯~~值得一試!!!!!

之後就返屋企lu......