§ Diary §

今朝晨早起左身，因為約左阿飛同埋Jos一齊去食早餐...但係琴晚成兩點
先訓，今朝咁早起身...搞到我勁累!!>.<"一返到慈雲山，就見到阿雲
喇...咁我就好驚奇喇!!跟住同佢傾左兩句就上教會喇~~返到教會，點知
佢地一個都未返!!!早知就唔使咁早起身啦~~坐左5分鐘後，阿飛返左~~再
過5分鐘，Jos返埋~~噢...冇人請我食早餐lu.....>.<" 之後我地等到10
點就去左食早餐喇~~~d早餐幾好味呢!!

食完早餐之後，就返上去溫書喇~~~~~點知我溫溫下訓著左...一.一"跟住
諗住趴o係度訓，但係永遠趴係度都訓唔著...唔知點解!!哈哈...跟住一
起返身突然又好精神!!嘿哈哈...溫書!!!坐左大約幾分鐘又覺得好累好想
訓...之後既時間就起起伏伏...我都唔知自己有冇溫過書!!

大約11點幾，阿草、William、涼亭就上左黎喇~~其後智智同文彥都上埋
黎，佢地竟然上黎打機，唔係好o岩feel!!然後阿雲同小鳳又上埋黎~~小
鳳就係度學拉小提琴...我就完全溫唔到書俾佢地吸引住，哈哈哈...最後
就叫左William同埋阿雲一齊去打乒乓波喇!!打左陣，就去左彈果個電子
琴，哈哈...好玩呢!!!玩左陣，就出返去溫書喇~~

溫到1點幾就一伙兒落去食飯lu~~今日去左泰國美食!!我就食左個魚餅
飯，都ok架!!下次試下第二d先~~小鳳同阿雲兩個好搞笑。我地食完野之
後就返上去溫書喇~~溫下溫下，勁多人都訓左(包括我)......一.一"跟住
為左令我地精神返，咁我地又成班人去左打乒乓波喇!!哈哈....不過我冇
份打，得阿飛、浩恩、涼亭同William係度打雙打~~而我就自己一個試下
彈琴喇~~~哇哈哈....好好玩呢!!!

玩到大約六點，就出返黎喇~~阿草消失得無影無蹤...好似有心事咁!!哈
哈...得返阿Jos係度溫書~~咁我地又成班出黎溫書喇!!進度勁慢呢~~溫左
成日都只係背公式。哈哈...真係幾唔掂!!

之後，我、William，涼亭同阿飛9點就一齊走喇!!!嘿嘿.....我送左阿飛
返屋企呢!!呵呵...之後就行落去鑽石山搭車返屋企喇!!!
返到屋企先食飯~~食完都十一點幾lu......今日就係咁樣過左喇...太唔
充實喇!!!唔響往呢種生活~~
希望聽日Physics會pass啦~~有D就無敵開心喇!!哇哈哈哈!!!!!



會考成功!!