§ Diary §

今日冇乜特別~~~~~7點半起左身~~然後又搞到好遲先出門口~~哈!!之後落
到去，又要跑返學喇~~~~~唉....哈哈哈!!!

今日頭兩堂係Phy呢~~唉唉!!好悶呀!!個個都勁想訓呢~~~哈哈!!好搞野~~
之後好辛苦咁悶左兩堂...然後就到Applied.Maths喇~~因為我地班得8個
人修Applied.Maths，所以個班房好少人，好凍呢!!!哈哈~~Yeah!Yeah!!!
今日applied.maths都係咁啦~~無乜特別~~希望自己明啦!!!

之後小息喇!!!我同阿鋒好慘咁俾人屈左去水運會...>.<"男子50米自由泳
呢~~哈哈哈!!真係死得~~~~~聽講話拎第一果d27秒幾架wor...哈哈哈!!聽
完之後即刻好想擦返個名呀...哈哈!!不過d人又唔俾wor...唉!!!"今次真
係痾拔甩個coconut喇!!!"哈哈哈~~~~~到時泳成分幾鐘就無謂啦~~~哈哈
哈!!實樣衰爆.....

小息完左之後又係Applied.Maths喇~~~做數囉...好快就完左lu...之後就
係兩堂Pure.Maths喇!!!哎哇哎哇!!!!!!好慘呀!!!本書同埋功課都係
locker...唔記得拎出黎...個阿sir就罰左我$15蚊喇!!!!!勁狗呀!!!之後
兩堂Pure.Maths堂都對我果$15蚊耿耿於懷!!!哎哇.....好慘好慘!!

就係因為冇左$15蚊既關係!!我決定左今日Lunch返屋企煮野食就算lu...
費事又用錢呀!!!好狗呀!!!!!咁lunch既時候，阿鋒就買飯盒上我屋企食
喇~~而我就煮麵食喇!!唉...好悽涼!!然後食完就睇左一集棋魂，睇完一
集見仲有時間就聽多集笑談廣東話喇~~~哈哈哈!!"今次真係痾木塞呀!!!"

之後返學上三堂英文堂呢.....唉...都係悶啦!!不過為左自己前途既原
故!!我都有好俾心機聽書呢~~哈...英文至少要有D呀!!!!!!!!努力!!!!!!
咁我就好努力咁上左三堂英文堂喇~~~呼.............!!!雖然話係放
學，不過我今日基督徒團契要開會呢!!!要傾聽朝宣傳既事~~~哈哈!!我地
搞到好低B呢~~不過是但啦!!!都唔係好learn嗟!!嘿~~~~~最慘既係聽日要
七點十一就要返到去喇!!!!!你知架啦!!我平時七點十一先出門口架嘛...
唉...聽日仲要早d添..."今次真係痾大吉呀!!"

之後大約5點就傾完喇~~返屋企...好累呢~~不過有好多功課未做wor!!!但
係呢，我呢條懶精竟然係度睇卡通片wor...仲要一睇就睇左兩個幾鐘~~哈
哈哈!!真係俾我吹漲呀!!!!!睇黎今晚都要好夜先有得訓lu.....嘿嘿!!
等我依家努力d至得!!!!!唔係今晚就真係痾拔甩!!嘿~~~