§ Diary §
哇哈哈哈...琴日都係溫書日!!所以冇乜特別野寫...
今日!!今日考Biology呢~~哇哈哈...準備充足，上好晒電!!完全冇緊張同
埋驚~~哈哈...一起身睇下個鐘，7點半!!嘩.....勁早!!再訓~~哇哈哈!!
7點45分，就起身涮牙洗面喇，無啦啦Marco打黎wor，可能o岩o岩訓醒，
唔係太精神!!所以聽到佢問我："你而家o係邊呀??"咁我咪答："係屋企
囉!!" 之後先知道原來佢係問我今日去邊度考~~哈哈哈....勁低B!!又俾
佢話我傻喇!!豈有此理!!
之後，今日o係蘇浙考呢!!8點先出門口，哈哈...實在太近喇~~3分鐘落到
去!!行行下d雨愈落愈大...跟住當我見到阿"吳折腰"(吳)同學呢，我就即
刻行過去喇~~之後就係度講雨，講到好學術性咁..講講下落得超大，即刻
就入左間學校喇~~哈哈..間學校好搞笑呢~~入去果陣要"o者"八達通!!哈
哈...跟住我就話每次返學都扣你五蚊...點知"吳"真係信喎!!哈哈...仲
係度話間學校好狗!!哈哈哈...跟住我地仲係度計如果每人返學都要俾五
蚊，間學校一個月會賺幾多...都幾無聊!!嘿嘿...跟住我地就上Hall喇~~
個Hall有d怪~~因為o係四樓架，但係唔知點解勁多人濟留係一樓...真係
低低地!!哈哈哈...上到四樓喇~~一望就見到個面目可憎、似曾相識既背
影，原來係肥滔!!哈哈哈...真係好似貓王!!之後我同"吳"同肥滔就係度
傾計喇~~傾傾下就開考lu...
Paper_I，唔係好難!!我覺得淺過上年好多囉...哇哈哈哈!!好似好勁咁..
不過其實只係我上年太咋喇!!一路做都幾順...Keep好晒時間，半個鐘一
題!!哈...真係o岩o岩好!!有兩條小題唔識...哈哈哈...都係咁啦~~Bio第
一次夠時間做咋...勁!!希望拎高分d啦!!
之後break，肥滔又係度玩野，話係一百分滿分!!!跟住我就同佢講話係90
分先係滿分!!之後同佢爭辯左一返，跟住佢話："我信呀~~不過我真係唔
明點解你要呃我喎..." 妖!!!勁屎忽!!哈哈...不過好開心!!
Paper_II，哈哈...頭果幾題我覺得幾難~~之後又有d唔係好肯定wor...
唉，算啦~~哇哈哈!!但係我做得超快wor~~~35分鐘就做完第一次!!哈哈..
之後見有時間，就再做多次~~哈哈..o岩o岩好夠時間俾我做多次~~勁呀!!
考完之後，o岩o岩好停雨!!Yeah~~之後約好左美女Keiko一齊去食飯，本
來諗住一齊溫Chem，不過Keiko冇帶notes出黎溫呢~~(其實我都唔記得帶)
之後Marco打俾我，我地就叫埋佢一齊食喇~~之後我就同"吳"同埋Keiko一
齊行去沙田食飯喇~~去到沙田"吳"就去左Join"林啟"同埋阿富去食野喇~~
而我同Keiko就去左小巴黎度食野~香茅豬扒飯呢，正!!之後Marco黎埋，
佢勁搞笑，搞到我同Keiko係咁笑...哇哈哈!!之後我同Marco就係咁叫
Keiko唔好返屋企溫書~~同我地去玩wor!!哇哈哈哈...直頭係一隻魔鬼!!
食完之後，我地係沙田行左勁耐~~行左西田啦、玩具反斗城啦、廸士尼樂
園•••etc。跟住我地就行左旅行社果邊啦，見到Winnie姐同佢仔仔呢
~~嘿嘿...佢地竟然o係度睇旅行團d野，真係"人細鬼大"呢~~哈哈...跟住
我地行行下，Marco見到件好抵，跟住就買左件衫喇。之後我地仲影左貼
紙相添~~靚靚!!!之後Gus後尾又出埋黎話要買唔知咩水wor...哇哈哈...
咁我地幾個又陪左佢西田去買喇!!買完之後就去左卓悅，Keiko就買左支
Anna_sui既香水~~(←好似幾好)，而Gus就買左髮泥喇!!
之後Gus要返工所以就走左喇!!剩返我同埋Keiko同埋Marco~~之後就Marco
又出旺角喎，咁我就送Keiko返屋企喇~~因為實在太好傾啦，所以就送埋
佢上車。之後，我本來諗住o係下佢屋企樓下食個tea等埋佢又一齊出返沙
田(因為佢要出返沙田溫書呢)，點知佢超級好人咁叫我上佢屋企wor...
嘩，真係諗都未諗過~~第一次去佢屋企咋!!有d緊張~~哇哈哈!!!一入到佢
屋企。嘩....好整齊呀!!(相對我屋企)佢間房又勁pink喎~~靚靚!!跟住佢
個BB仲好得意添(佢隻狗)~~勁cute呀!!我同佢(BB)玩左勁耐~~佢真係好似
人咁架~~同佢講野佢會應你架~好叻叻!!仲有呀，Keiko話佢超級鍾意加住
人，哈哈..冇錯!!真係超級得意呀!!佢好似要我係咁摸佢咁，我一唔摸
佢，佢就會望住我架喇~~哈哈哈...實在太過得意喇!!!我第時一定會養返
隻狗o者!!之後Keiko又俾左佢以前到而家D貼紙相我睇.....有勁多呀(好
似數以千計)~~哇哈哈哈!!之後又同佢又傾左一陣...到左六點幾就一齊出
返去沙田lu......因為Keiko要去溫書呢，好勤力!!!搭車既時候，有條麻
乜佬望實Keiko喎!!(←賤格)之後到左沙田落車就送佢去自修室喇!!之後
我就返屋企lu!!真開心呢~~~
返到屋企，好快就食完飯!!之後就同新仔去左打波lu...去到源禾路，見
到勁多人，去左第二度打喇!!又熱又悶呢~~~所以打左一陣就走lu.....
夜晚返到屋企，一開燈，見到有隻好大好樣衰既"曱由"!!!嘩...勁
驚呀!之後見佢走左去廚房門口，企左o係度!!咁我就梗係即刻立即笠殺虫
水諗住殺牠死!!點知佢竟然走左入我房wor!!!!!!頂!!我係一個超級驚"甲
由"既人黎架嘛~~佢仲要走左入我房wor!!見佢行左兩個圈，跟住竟然反
左肚(重點：佢仲o係我間房)，雖然係反左肚，但係佢d腳仲係度係咁move
喎!!勁得人驚!!之後我就唔理佢走左去沖涼先!!我好快就沖完涼喇...點
知出返黎隻野仲未死wor!!!!!跟住我就勁驚~~打左俾Keiko救緩喇~~佢真
係好好呀!!!Suggest左勁多方法俾我教我處理隻野呀~~~哇哈哈!!
Thank_you~~最後我鼓起我最大既勇氣，搵左個掃帚同埋垃圾剷將隻野搞
掂左~~哇哈哈!!全靠Keiko咋~~~妳真係我至好既女仔fd呢~~嘻~~
會考成功!!
