§ Diary §

今朝又係差d遲到咁返到學校~~~~~~之後頭兩堂就係好悶既Phy堂喇~~~哈
哈!!真係好悶~~~不過今日係我咁多日上既phy堂最留心既一日~~我竟然完
全明白佢講乜wor!!太神奇喇~~之後就係Pure.Maths堂喇...好彩今日有帶
書嗟...唔使俾$5蚊呢~~嘿!!!不過今日教既野都唔算太深~~冇咩問題!!

小息完左之後又係Pure.Maths喇~~~都係咁啦~~~冇乜問題!!嘿嘿~~~之後
兩堂中文堂呢~~因為有本聆聽既練習未買~~所以就無書喇...但係今日要
用wor..而我地又有好多人都冇帶...所以就要拎去影印喇!!!唉...俾Miss
話添.....哈~~但係好快又無野lu.....呵!~!兩堂中文好快完~~

Lunch~~~返屋企煮麵食~~~唉...呢期好窮呢...咩都要俾...又唔想成日問
阿媽拎錢wor!!所以咩都要自己俾住先...哈哈哈!!所以我都要慳返d喇...

返到學校..三堂Applied.Maths~~~~~今日個阿sir係度問我地d數係咪好難
做...之後我地個個都話係啦~~~跟住佢竟然話：“咁你地又唔drop
既!?”......呆左.....一.一"佢話諗住開頭專登教d難d既...嚇下我地
先...等我地drop科wor...>.<"佢仲話有d學生上完一個星期之後就會發覺
完住跟唔到，然後drop架喇喎.....哈哈哈!!好狗~~咁都得?!!嘿嘿...今
日applied.maths都係講果d野...我都開始習慣左d喇~~明明地d數既大約
結構~~哈!!希望識做啦~~~~~~~三堂不停地做數囉!!!哈哈~~~放學!!!!!

放學返屋企之後...無聊左陣，咁就拎左本唐山出黎睇下啦~~因為話晒都
係要交功課同埋差唔多未睇過.....咁我睇左四頁之後，就訓左lu....嘿
嘿嘿...我仲專登較定鬧鐘，六點鐘響添!!!!!因為約左教會d朋友食飯呢~
咁我六點鐘就起左身喇~~~大約六點半就出門口lu.....

上左巴士，原本諗住訓下覺既...點知去到新城市既時候，見到阿皂都上
左車，仲要係坐左係我前少少.....一.一"(咁都見唔到我架!!)因為實在
太近喇...但係佢竟然見唔到我，所以我都驚自己認錯人~~咁我就打俾阿
皂喇.....第一次打，冇人聽.....!!咁無理由咁輕易放棄架嘛!!所以我就
打多一次喇~~~原來真係佢黎架.....>.<"哈...之後佢就同我一齊坐喇~~
係度傾下計，傾傾下就落車lu...我地兩個都早到呢~~~去到九龍城廣場，
諗住行下啦...點知原來係無野行架.....無奈!!!好彩佢地之後都好快到
嗟~~咁我地就去左一間叫王珍珍既泰國野度食飯喇~~~(我地包括有：
Henry、思毅、文彥、Jacky、Kamlun、Judy、飛飛、浩恩、阿皂同埋我)

我地叫左七個餸、一碟飯呢~~~~唔..d野食都ok既~~~~~不過對於一個好肚
餓既我係嚴重地唔夠食囉~~哈哈哈!!我已經食左好多碗飯架喇!但係都係
唔係好飽囉...嘿.....不過今餐飯真係唔係好抵呢....$80食得唔飽...唔
抵!!!哈哈哈~~~好彩之後都有去食糖水o者...阿浩恩叫左個好騎呢既榴槤
班戟....勁大"朕"味呀!!哈~~~~~~食完之後，我地就各散東西lu...

我、Judy同阿皂就去同一個巴士站搭車~~~浩恩好慘咁自己一個返屋企...
飛飛永遠都係無啦啦自動消失左...Henry就去思毅屋企~~文彥Jacky同
Kamlun就話去行街買袋wor.....(←十點幾就去行街?!!都shortshort地
既)哈哈.......咁我地三個人就去左車站等車喇~~~Judy好快就有車lu...
仲諗住送佢返屋企添...哈!!跟住見阿皂一個女仔又著住見校服，咁就送
佢返屋企喇...哈哈!!!架巴士勁快呢!!!!!真好!!!!!之後就送左皂皂豬返
屋企喇!!然後我就行返屋企lu...沿條城門河條路一直行...途中見到有隻
好得意好得意既狗仔呀!!!!!!!佢好細隻架!!!應該係o岩o岩出世幾個月果
d~~佢仲未識行~~跟住佢爬下爬下咁...哈!!!超級得意呀!!!!!!!!下次一
定要帶相機影低佢呀!!!!!唔係就.......>.<"哈哈~~~

今日都幾開心呢~~~~~~~嘿!!!不過諗起聽日就覺得辛苦lu.....聽日最後
果兩堂係PE堂~~~游水堂呢!!!但係放學就要去練波喇....即係一游完水就
要去打波喇~~~唉...點算好!!?!?聽日一定累死囉.....唉!!哈~~~不過冇
計啦!!聽晚唯有早d抖啦!!嘿~~~~~~