§ Diary §

今日終於都有得唱K喇~~~哇哈哈哈.....都ok多人啦，有8個呢~~分別係：
我、細細tine、William、姚氏兄妹(思毅，思頌)、麥兜、琦光、家緯，
哈哈!!都係第一次同教會d人去唱K呢，都幾開心架~~~佢地個個唱歌都好
勁呢~~~~~哈!!真係唔野少~~果然有返開詩班!!

唱到差唔多3點啦~~就俾人cut左喇!!!!咁我、細細Tine同William三個人
呢就要返教會做野~~而其他人就去左打機喇...之後我地三個就搭小巴返
教會~~跟住，o係車上面見到馬佬喎.....勁驚!!以為佢o係九龍城行返教
會添.....哇哈哈哈!!(之後先知唔係)

我地3個返到教會就各有各整野喇~~William俾我逼左佢幫我手諗騎士點
畫...畫到佢好頭昏腦漲咁呢.....對唔住!!哈哈..而細細tine就搵左詹生
幫手寫歌紙喇~~~做呀做!!無啦啦涼亭同麥兜都返左黎教會wor~~真係好
喇!!我同細細tine一人搵一個~~呵呵!!涼亭當然幫我手諗畫野方面啦!!麥
兜自己就話過去細細tine果邊幫手wor.....一.一"哈~~咁我地就各自各開
工喇~~手工部果邊都係無乜進展...阿涼亭就畫到好得靚.....但係太過漫
畫feel，同埋太過仔細，跟本無乜可能做到!!William畫果d都ok既~~不過
都淨係得個頭盔....唔夠全面~~唉...手工部!!點算好??音樂部進展就好
明顯喇~~詹生加上麥兜仲有細細tine既努力，好快就完成左好多工作...
更加特顯出手工部既緩慢工作效率...哈哈!!但當差唔多到五點半既時
候，我靈感突然一到...終於都畫到一個士兵喇~~雖然唔係太靚，但總算
過得去啦!!之後就即刻拎去影印加放大....不過好似都係細得濟呢...跟
住我就將個公仔再放大，不過今次係徒手呢~~所以又畫左好耐~~好彩有阿
草草同埋涼亭係度俾意見我o者~~YeahYeah!!!!Thanks~~~呵呵!!!跟住o係
之後果個半鐘裡面，我就完成埋第二個士兵喇!!!!!!Yeah~~~~~~但係d人
都走晒lu.....不過我自己都覺得幾滿意既~~哇哈哈!!然後又將佢影印加
放大...唔~~~唔~~~咁兩個門兵就做得七七八八喇~~呵!!!聽日就將呢兩件
野紙板化!!!哈~~~

o係整第二個士兵果段時間當中，見到Henry呢~~~~~哇哈哈!!勁好呀~~因
為佢又話會車我返屋企呢!!嘿~~Yeah!!Henry，錫晒你~~~~~呵呵!!!我搞
掂晒d野之後就同Henry上去睇singing group佢地練歌喇~~浩恩拎鬼左我d
魔術道具出黎玩...一.一"跟住衰晒!!簡直係魔術師中既恥辱，仲要俾人
知道晒...咁我地唔使玩啦!!!哈哈~~~~~

聽佢地練左一陣，Henry就話走得!!咁我就一齊跟車走lu...呵呵呵!!!勁
好呢~~跟住同Henry搵左好耐東頭村道係邊...哈哈!!因為要接文海導師呢
~~(即係佢daddy)之後Henry係阿文海導師既指引下，好快就去接埋阿惠芳
姨姨~~(即係佢Mammi)哈哈!!跟住就直剷去我屋企lu.....呵...勁快呢!!
Thankyou，Henry!!!!!

今日真係好感恩!!因為我覺得自己真係畫唔到果兩個士兵既公仔，我相信
呢d都係神加給我既力量!!!為神做事，有時可能真係好困難、好沮喪，就
好似我今日頭個2個鐘咩都畫唔到果陣時咁...但係神往往會為我地解決煩
腦...亦會有額外既驚喜添!!今日畫完果陣，有人睇完之後竟然問我係咪
修ART喎.....哈哈!!呢個真係好大既滿足，但係我知道呢d都係神賜俾我
既~~將所有榮耀都歸於神!!