§ Diary §
今日黎X俊生日喎!!! 俾心機溫書啦!!
琴晚未溫晒A.maths呀!!所以搞到好夜先訓，一點呀!!所以今朝起身都冇
乜精神，算數!!一起身都係繼續睇書~~背公式...哈哈哈!!大約7點25分毫
出門口喇!!沿路都拎住本書睇~~勁讀書虫feel~~哈哈...不過今日D時間預
得幾好~~差唔多去到沙官，老遠見到個似曾相識，但係又面目可憎既身影
好似向我揮緊手wor....原來又係肥滔!!哈哈哈哈...跟住見到佢就冇睇書
lu...係咁同佢講笑!!哇哈哈哈...又係老吹時間~~
之後肥滔話想去廁所wor...佢又話地下冇廁所!!咁咪同佢行上去一樓啦。
行行下既時候又見到阿曾x江(曾)!!咁我地3個就一齊行上一樓去廁所喇!!
點知勁樣衰!?!?俾個校公叫返我地落去，話未上得住喎!!妖!!死肥滔!!咁
我就同個校公講話想我地想去廁所，順路問埋個校公廁所係邊~~個校
公"黎"手就指話下面咪有囉!!妖!!又係肥滔!!又話下面冇廁所wor!!!搞到
我地勁樣衰!!!哈哈哈哈.....之後落返去一樓，我地起初見唔到廁
所，"曾"就指住個垃圾筒勁大聲咁話："呢個咪尿兜囉!!" 叫我同肥滔去
痾wor...哈哈哈...勁低B!!搞到勁多人望住我地~~又俾人笑喇!!!>.<"哈
哈...之後發現左個女廁，但係又見唔到有男廁咁喎..."曾"見到牆上面有
個膠兜(應該係意見箱果d之類既野黎架啦)，之後佢又指住果個兜勁大聲
咁話："喂~~痾係度咪得囉!!"哈哈哈哈....勁搞笑!!!佢又搞到勁多學生
望住我地!!原來個廁所就係附近~~哈哈哈哈哈!!!
個廁所好靚呢~~不過我冇野痾!!哇哈哈哈...去完廁所之後，我就
同"曾"講話間學校幾靚，佢就即刻指住學校外牆話："咁都靚!?!?你睇
下，d牆d色都淡晒喇!!"(但係其實只係暗左少少)跟住我就話："...咁我
聽日搵人黎油返d色上去囉!!舖埋地板好唔好!???"跟住又係一返低B野交
替...不提也罷!!哈哈哈哈....
考A.maths喇!!!入去個禮堂果陣，我地3個都仲係勁大聲咁講野，哈哈
哈...勁多人望住我地呀!!係wor...死人肥滔，我問佢我坐邊個位丫嘛~~
佢話我坐128(因為之前係度睇我張準考證)咁就梗係信佢架啦!!點知去到
128果個位!!見到有人坐左o係度喎...咁我本來就已經諗住行過去同果條
友講話："你坐錯位喎，靚仔!!"好彩我有拎返張準考證出黎睇o者!!唔係
就超級"魚皮"!!!哈哈哈...
A.maths!!開頭做得有d慢呀~~個腦好似鈍鈍地咁wor!!不過做到第3、4題
之後就好快喇~~係咁扯住去!!哇哈哈...好似痴左線咁!!做完晒part_A，
仲有個半鐘時間做part_B!!開頭諗住睇晒4題先揀~~點知睇完4題之後，唔
知wor...哈哈哈哈哈!!!勁低B!!!但係始終都要揀~~咁就順住做啦!!第一
條係vector，好似好難咁!!但係做做下，又成題識晒wor~~哇哈哈!!搞
笑!!到左第二題，真係好難!!我諗有9分冇左...唉!!唔太開心囉!!到左第
三題，識就識喇，不過唔知o岩唔o岩啦~~哈哈!!最後一題!!真係唔多想
提，講起就傷心喇!!坐底冇左6分呀!!唉...果條原來係有hint架!!我發雞
盲，睇唔到喎!!!!!妖!!!勁煩呀!!睇唔到都唔緊要，你唔好俾我睇返到咪
得囉!!唉....收卷果陣，你先俾我睇返!!玩我咩大佬!!跟住仲要我識晒
wor!!唉...最後我計過自己大約有幾多分架~~如冇意外都有85~89分，
唉!!!如果果題睇到個Hint就有9字頭架喇!!唉唉唉~~算數!!考完就算!!
考完之後肥滔就沖左過黎問我識唔識，跟住又係度催我執野執快d!!原來
佢又急尿!!哈哈哈...跟住我地"三痴"又去左廁所喇~~哈哈...佢地兩個真
係多尿痾呢~~我又係痾唔出~佢係o係度痾尿果陣，我就o係度洗面，跟住
聽到有條友係度講話條Vector超難......哈哈哈!!跟住我即刻係度笑!!因
為我覺得果題已經係最淺!!哇哈哈哈哈...
之後就同佢地兩條友(曾&肥滔)一齊走喇~~哈哈!!又係度吹水喇~~真係好
搞笑!!行行下，肥滔叫我地一齊橫過馬路，但係旁邊有個牌寫住唔知咩橫
過馬路罰款三千~~哈哈哈...勁搞笑!!跟住"曾"又話："遮住隻眼咪睇唔到
囉!!"哈哈...跟住我叫佢："你試下遮住隻眼過馬路丫~~睇下d車見唔見到
你!!"哈哈...之後其實都好多搞笑野...但係不能盡錄!!哈哈..因為實在
太多喇!!
之後我地就各自返屋企喇!!Yeah~~~~沿途返緊屋企果陣，阿富打電話俾
我，跟住又話駁俾家莉...過左一陣，又話唔得!!叫家莉駁俾我...跟住過
左陣家莉就打黎話唔得~叫我駁俾佢地.....@.@"暈陀陀!!哈哈哈...跟住
我就無理到佢地lu...但過左一陣，阿富就打左黎問我喇~~哇哈哈哈...好
亂~~我同阿富傾左好耐呢~~差唔多傾到返屋企~~勁o岩!!去到我樓下既時
候，電話收唔到!!唔使我諗點樣講收線~~Yeah~
返到屋企，梗係玩啦!!中途都有勁多人打過電話俾我呢~~哈哈...多謝關
心!!之後玩ICQ~~~Phoebe、Keiko、阿金都有問我考成點呢~~你地真係好
喇!!跟住同Keiko傾左陣~~我問佢點解唔係屋企溫書，佢就話佢爹地會玩
電腦同埋睇電視，會阻住佢wor~~哈哈哈...原來佢daddi識玩電腦架，不
過...哈哈哈哈哈!!總之好搞笑!!
Keiko!!!妳要加油努力俾心機溫CS呀!!!!!支持妳呢!!!
Capture_A!!
會考成功!!
