§ Diary §

嘩~~~~~~頭晚呀!!我掛住係度睇卡通片，睇到差唔多3點先訓覺~~哈哈!!
所以今朝起身果陣就超級超級累喇!!!呵呵~~但係今朝都仍然好早就起左
身喎~~(都有9點架)哈哈...一起身就玩左陣電腦，之後就換衫出門口喇~~
因為約左小鳳去睇"史力加2"呢~~哈哈!!

之後我勁極準時就到左荷里活喇~~哈哈!!點知打俾小鳳果陣，佢先o岩o岩
出門口呢......一.一"之後我就係荷里活度行左一陣街喇~~不過可能今日
係星期二同埋太早啦~~有好多舖頭都未開呢~~哈哈~~過左陣小鳳就到左
喇!!我地去左肯得基食野呢~~~哇咔咔!!飽飽~~

之後就開始睇戲lu~~~~~小鳳未入到戲院就話驚凍喇...但係我又唔係覺得
好凍咋喎~~哈哈!!搞笑~~之後我地係度預告片，見到Spider_man_2，哈
哈!!我地兩個都好似好想睇咁~~之後就話下次一齊睇喇~~到史力加lu...
今集多左幾個角色，有隻超超超級得意既貓貓呀!!!哈哈~~不過原來隻貓
好狗~~嘿嘿嘿!!個內容都幾好，我就覺得好好睇喇~~不過第一集搞笑d~~
哈哈哈...睇完之後，小鳳覺得斷左手既薑餅人好慘好慘~~~哈哈...佢
都"慘"左好耐下~~哈哈哈!!慘到返教會都仲慘緊~~嘿嘿嘿~~

之後就開始"信仰使力加"喇~~肥仔文彥遲到~~衰野!!今日上堂都冇乜特別
野做~~只係簡介下呢個活動既目的同埋活動既時間表~~哈哈!!唔錯!!幾好
~~我已經feel到呢個暑假實會過得好充實o者!!而家每晚都仲要睇本書，
叫做"標竿人生"呢~~一日一個chapter!!哈哈哈~~要努力至得!!

上完堂就同小鳳、麥兜、肥仔文彥去食下午茶喇~~佢地話要去京滬先喎~~
搞到我個芒果奶凍等左我好耐添~~~哇哈哈哈!!食完京滬，就一齊行去慈
中同治堂喇~~~哈哈!!係途中，肥仔文彥係咁俾我地話/串~~哈哈哈，串到
佢完全冇聲出~~哈哈哈...好慘呢~~之後麥兜同文彥就去左又一城睇戲喇~
小鳳就同我食芒果奶凍喇!!!!!哇哈哈!!新鮮好味~~

今日既重點事情開始。食完野之後，我就同小鳳行喇~~當我地搭緊慈中百
佳對出果條電梯，突然聽到有人o係後面衝緊落黎喎~~~之後我地兩個好自
然咁向後望同埋讓開啦~~~跟住就有兩個細路跑過喇，跑得都幾快下，
用"趕住去死"黎形容就最貼切!!哈哈哈~~數秒之後，我地就從後方聽到有
個百佳既收銀阿嬸大叫："偷野呀~~"果陣，我地先意識到原來果兩個細路
係偷左野!!!跟住我就諗緊追唔追好啦~~因為呢條問題實在太難喇!!所以
我就問小鳳喇!!哇哈哈~~小鳳好快就答左我話："快d追啦!!"之後，我就
俾晒d野小鳳~~全力追擊賊仔!!點知大約都冇30秒，我就追到賊仔A喇~~
果個賊仔A都幾細個，我諗佢係小四至中二啦!!哈哈~~說時遲，那時快!!
我一個擒拿手，捉實左佢!!走都冇得走~~哇哈哈哈哈!!但係佢不停掙扎，
想脫離我既魔爪。可惜，實力差距太大喇~~佢根本唔係我對手!!(哇哈哈
哈哈哈)不過就係因為佢既大覆度掙扎動作，惹來好多八卦既旁觀者!!d旁
觀者有大有細有老有X(唔識寫)，但係冇一個識幫手!!香港人真係冷眼旁
觀.....一.一"但係佢地又識評論架喎~~~有個婆婆就叫我放佢一馬，跟住
又有幾個阿叔話千祈唔好放，有d就話報警!!而果個賊仔就係咁叫我俾一
次機會佢。太多意見喇~~所以通通唔理，等支緩!!!哇哈哈~~等左都兩三
個字，小鳳就發現左我喇~~~~~Yeah!!!!!之後，小鳳就即刻去搵左百佳D
人黎處決果個賊仔喇~~呵呵~~~搞掂晒!!!!!!

之後我同小鳳就唔理lu...走人!!哈哈哈~~本來仲諗住上返教會同浩恩打
乒乓波，不過捉賊捉晒D力lu~~~~哇哈哈!!所以都係走!!!之後我就送小鳳
去搭巴士喇~~沿途不停討論捉賊件事呢~~~哇哈哈!!我都係第一次捉賊~~
哈..成功!!Yeah~~~小鳳仲叫我去做警察添~~哈哈...真係冇諗過呢~~

嘿嘿~~有趣的一天!!