【12：32 a.m.】Yeah~~~又整一個日記喇~~希望大家黎多D啦~~開左一個
新日記，心情非常興奮呢~~其實點解會整呢個日記呢?!!?其實就係因為前
晚(4月29日)同阿草玩玩下ICQ,果陣無啦啦話想寫日記~~跟住阿草好好咁
幫我搵左幾個免費既日記，叫我申請~哈哈哈..跟住我嫌麻煩，就索性自
己整返一個喇~哈哈...其實我都唔知點解我唔用返之前果個~~可能真係無
聊得濟啦~哈哈哈!!因為興奮得濟，所以等唔到聽晚...所以而家寫住d先
~~呵呵呵!!真係幾無聊呢~~
【9:38p.m.】今日真係好累..琴晚成點幾先訓，今朝7點幾就起左身去旺
角補習。一補就3個鐘，真係人都癲!!好彩佢講果D，我都識o者~~跟住，
就返去教會開職員祈禱會喇，因為返到去趕唔切食野，所以冇食。練完詩
就同左阿飛一齊去食麥當勞，食完就去體育館溫書喇~~溫溫下無啦啦麥嘜
打黎wor←搞笑!!之後到左4點，我都去埋打羽毛波!!跟住玩玩下，我同阿
謙同凌毅同麥兜一齊o係度踢羽毛波。哈哈...踢得好開心呢~~散場之後，
就返上去溫書喇~~~上到去，William同涼亭打緊乒乓波,究竟佢地有冇溫
書既呢??真係有D擔心呢~~哈哈...然後我就去溫書喇~~溫左大約一個鐘，
進度有d慢...不過快過阿草好多呢...佢真係溫得超慢，溫左成個鐘都係
兩版精讀...有d唔掂!!到左大約7點15分，我地一齊散水...
嘩...係我搭巴士返屋企既途中，有個阿嬸上左車...佢坐上層最前果排，
而我就坐第6，7排到啦...果個阿嬸身上所發出既味道真係超乎你想像...
係無與論比既臭!!!連我隔咁遠聞到都有d想嘔同埋暈呀!!我諗如果坐係佢
隔離深呼吸一淡，果個人一定會死!!因為真係想像唔到既臭...好彩，果
個阿嬸坐左兩個站就落車...可惜既就係"人去留香"，我依然要捏住個鼻
直到落車...佢(阿嬸)既出現就好似唐山當年大地震一樣，我沿途行返屋
企所聞到既味，只要係有少少臭都令我再次聯想到佢(阿嬸)，我諗呢d就
叫做條件反射...真係好恐怖呢!!
唉.....已經好累喇，會考真係辛苦呢~~但已經進入倒數階段，一定要撐
埋落去至得!!努力!!加油!!
今日收到小天使送俾我既禮物~~~多謝小天使!!啜~~~~~~