§ Diary §

今朝知醒起身呢~~~~~夠時間返學開locker喇~~~~~Yeah!!!!!嘿嘿!!!不過
日日返學既時候都係好鬼累~~~唉...要訓多d至得!!!今朝學校又有早會
喇!!!呀~~~~~~~勁勁勁勁勁曬呀!!!!!!全校企晒o係個操場度曬...勁辛苦
呢~~~仲要聽埋個校長講既廢話...我差d企係度都訓著呀!!!嘿~~企左差唔
多半個鐘先有得上返班房呢~~~~~累呀!!!我仲覺得自己有少少中暑添~~

之後上堂喇~~~~~頭兩堂Phy呢!!!Test呀~~~~~~~唉...琴日用左半個字時
間睇過下咋...有好多野都未背~~哈...今次都預左炒架喇~~~一收到份
卷，見到仲有兩題essay添........>.<"勁無奈囉.....哈哈!!個阿sir連
教都未教應該點答essay...測驗就出左喇.....今次真係痾拔甩!!不過好
彩我有幾part都識做o者~~~MC都好符碌咁淨係錯左一題~~~嘿嘿!!仲有一
題essay俾我諗到添~~~~~Yeah!!!雖然都仲係有機會會Fail~~但係俾我想
似中好好多架喇~~~呵呵~~~YOYOYO!!!之後果堂就係Appied.Maths喇~~~哎
哇...教新野喇!!!好彩今日都明o者~~~不過個阿sir真係教得太快喇...都
唔俾時間我地諗就係咁跳呀跳呀跳呀.....好難跟住去!!!!!唉..

小息，落左操場買野飲呢~~蘋果綠茶!!好味~~~~~Yeah!!但其實我落去既
目的係諗住交相同埋身份證影印本俾阿sir幫我做學屆證呢~~~哈哈!!不過
搵唔到阿sir...算數!!!呵呵~~~~~~小息完左...又係Applied.Maths喇~~
都係咁啦...無乜野好講lu..跟住之後果兩堂就係Pure.Maths喇~~~琴日教
左d好logical既野~~今日都係教我地諗下d數點黎啦~~哈哈....好搞野!!
個阿sir成日都用男人黎做比喻~~係度討論『凡係男人都好色』呢句野...
哈哈..又話首先要證明你係男人先，然後再要證明你係好色...一.一"哈
~~跟住阿sir指左我地班既一個男仔，問佢點證明自己係男人...哈哈哈!!
低能~~就係咁...好快就兩堂lu.....

Lunch~~~我採取左慳得就慳策略!!!務求用最少錢黎食飯~~因為要儲錢買
野呢~~~唉唉...好多野想買呀~~~又就快到冬天喇wor...真係勁多野想買
呢~~哈!!儲錢儲錢!!!!!今日我都係返屋企煮野食呢~~~唔...ok飽啦!!之
後阿鋒同學又黎左我屋企度食飯，然後睇卡通片喇~~~嘿~~~睇完一集又要
返學lu....

之後果三堂真係悶爆呀!!!三堂英文呢~~~~~~~~嘿...死得!!一開始就係度
講書~~然後叫我地做一篇RC...做完對完之後，又做一份Grammar既練習!!
做完對完之後就派左張紙俾我地~~然後叫我地寫個關於cloning既report
出黎~~~做完之後就收返...然後又派多張紙俾我地~~叫我地返屋企再作一
篇關於cloning既article.....就係咁，3堂就完左喇~~~

之後就到籃球隊練波既時間喇...好彩今日放學唔係好曬o者..唔係一定虛
脫....今日勁累囉~~~一開始不停地傳波射波傳波射波...然後就傳波走籃
傳波走籃...到最後，分組比賽....攰爆左...比賽要不停走不停走不停走
不停走....接到波就傳波然後就要走喇...都痴痴地架!!!跟住我係組入面
又唔識打底wor，但係又要我打底wor...搞到我完全唔知應該點走...打得
唔好呢.....唉...要努力d至得喇!!不過幾時先至會換返我去打出面呢??
唉....咁既情況下，就好似當年蘇軾、李白一樣..都係懷材不遇...亦都
好似今時今日搵阿亨利去守籠、叫李小雙去跳水、叫米高佐敦去篤波、叫
阿特首去掃街一樣~~~唉.....懷材不遇呀!!!!!嘿嘿嘿嘿......

就係咁...練到六點幾..就返屋企喇!!!攰爆左......兩隻腳一郁快少少就
會抽筋~~成個身都好攰.....無力!!!!!博頭仔酸痛...就係咁，心情都有
少少煩悶添....係呢個情況下就梗係要relax下啦~~~玩電腦!!本來都玩得
好好地架~~一個麻鬼煩電話打黎...(阿媽打黎)首先就要我移動體力透支
既身軀....走出房去聽電話...然後被點做野...然後返入房...開頭chat
緊既...都offlined........一.一"←無奈呀無奈呀!!!