§ Diary §

今日成9點半先起身呀!!但係11點要返教會開會~~所以好趕呢!!好快就出
左門口喇~~去到個巴士站，見到架巴士o岩o岩走左喎!!咁我就梗係追啦，
費事遲大到丫嘛!!跑左成個巴士站呀，真係辛苦呢!!好彩都追到o者~嘿
嘿!不過結果返到教會都係遲左5分鐘呢!!>﹏<"Sorry!!!

最後我俾懲罰"針"水賠罪呢~~哇哈哈哈!!之後開會喇!!Yeah~~好興奮呀!!
手工部好似有好多野做咁~~哈...要努力d先得!!之後我地成班人就一齊去
食飯喇~~Yeah!!有好多人呢~~例如：我，草草，細Tine，小鳳，麥兜，
Elain，Monkey仲有詹生!!食完飯又上返教會"hai"喇~~哇哈哈哈!!

見到細Tine係度彈琴，咁我就走左過去睇佢彈琴喇!!哈哈...真係勁想學
彈琴呢~~過左陣就要練詩lu...今日我唱得唔好呀!!>.<"可能係前日唱K果
陣唱得太勁，唱到把聲沙左啦!!唉~~算啦!!希望可以再唱好d啦!!今日練
返果首"All_Things_Bright_and_Beautiful"，呢首歌實在太好聽喇!!!呢
首歌以前係阿元指架!!好掛住阿元呀~~~

練完詩，琦光就問我唱唔唱少夏Singing_Group，哎哇!!完全唔知點好~~
心又有d想唱喎，但係又驚唱得唔好喎...點好呢?!!?!哈哈哈...遲d先
算!!之後就團契喇~~哈哈...今日係查經週呢!!開頭黎左個Role_play，大
家表現都有d求其~~哈哈哈!!之後就開始查經喇!!今日查"耶穌同利未食飯
件事"，叫我地唔應該睇死人之類既野啦~~哈哈!!

跟住團契完左，Judy就同我地係咁影相呢~~因為佢聽日生日呀!!哈哈...
好搞笑!!佢今日著得都好靚靚呢!!哇哈哈哈...過左陣，就齊齊走喇!!我
就同左麥嘜同唔可以一齊去荷里活買禮物俾Judy喇~~哈哈...我地幾個睇
左好多野呢~~好搞笑!!同佢地兩個一齊真係好開心，佢地兩個實在太細過
喇~~好年輕呀!!!哈哈...買完禮物之後就同左佢地去KFC食野~~哈哈...又
係好搞野呢~~麥嘜俾人呃左...叫左個22蚊既薯蓉...慘!!慘!!食完之後，
我就送左佢地兩個返屋企喇~~哇哈哈哈!!習慣左送人返屋企~~哈哈哈!!
送完佢地返屋企之後，我就去左沙田買禮物俾Judy喇~~哈哈哈~~希望佢會
鍾意啦!!!哇哈哈!!!

之後，返到屋企.....冇人!!!!!一.一"哈哈哈...成日都冇人!!跟住就玩
ICQ喇~~同Carol，阿草傾左陣呢~~希望Carol隻腳快d冇事啦!!哇哈哈哈!!



會考成功!!