§ Diary §

又到左星期一喇.....唉~~~~~琴晚做lab_report做到四點先有得訓...勁
累囉!!!訓得果三個鐘都算喇!!仲要發惡夢果下衰丫嘛!!!不過其實都唔算
惡夢...只係發完呢個夢之後好唔開心...哈哈!!好記得其中有一句係對住
我講："其實我地個個都好憎你架!!你唔信可以問下人架!!?"我覺得呢句
先係最恐怖...之後就醒左喇!!呢個夢有一個特點就係全部人都係體藝既
人...哈...有d怪雞!!!最奇既係見到阿錢(←學校基督徒團契的同工)....
真係好奇...因為成個夢既始源係因為佢...哈哈...唔講lu...

今朝七點就起身喇...幾慘!!(←四點先訓架!!)因為要打俾阿錢叫佢起身
呢~~嘿...今日約左佢朝早係學校門口等...因為今日要轉冬季!!個個人都
要帶tie~~點知佢竟然冇tie...一.一"而我又有多一條wor...所以就俾佢
喇!!哈哈哈~~本來約左搭九架...但係打俾佢果陣佢又話改到搭七wor...
我都估到我一定會遲到架喇~~~~~嘿嘿嘿嘿....點知真係遲左wor...哈!!
sorry呢~~~跟住請左支野飲俾佢飲~~當補數!!哇哈哈...好奸仔!!

上班房...繼續未完的lab_report~~因為琴晚做到四點都只係做左13頁...
差少少~~好彩頭果三堂都係空堂!!咁我就用左兩堂時間就搞掂埋果幾頁~~
哈哈!!叻仔~~之後好累好累~~但係好精神!!訓唔到~~哈...係班房度行黎
行去唔知做咩囉!!

跟住就係小息喇!!我同leader同埋阿鋒又落左去食珍珠雞喇~~哈...好味
wor!!買完之後又見到阿錢...哈...唔理佢~~跟住見到Ng.sir~~質問左佢
少少關於基督徒團契既事~~哈哈哈!!好似審犯咁~~講左幾句就冇理佢
lu...哈!!好鬼狗仔!!阿鋒同埋leader其實今日要當值...但係佢地次次都
揀地下守...然後就走左去食野~~哈哈哈!!食完就o岩o岩好打鐘~~哈哈!!
好鬼搞笑~~

小息之後，兩堂applied.maths堂呢!!哇哈哈...今日收到張學生對老師既
教學表現評估表咁既野啦...跟住叫我地填...哈哈!!好hea咁填完就交左
喇...哈哈...阿leader超級認真咁填呀!!!好搞笑~~~之後我地兩堂都係做
自己野咁...勁hea囉!!哈...跟住就係英文堂喇...派左之前果一個星期做
既測驗~~哈哈!!好彩都合格o者...不過同第一果個人差勁遠囉...俾人拋
離呀.....唉...英文真係要努力d至得!!

Lunch~~因為今日係星期一，所以又有基督徒團契既每週飯聚喇~~哈哈!!
今日得我同埋阿Janette去左咋...哈哈!!唔緊要~~差唔多次次都係得我地
兩個~~同埋如果多d人既話就會好逼~~所以少d人去都ok!!嘿嘿...今日係
度講星期三果個週會~~哈...生日週呢~~正呀!!我地諗左勁多好搞野既遊
戲!!呵呵...一定勁好玩囉!!哇哈哈~~希望可以帶到幾個人去啦!!嘻!!

完左Lunch之後就係中文堂喇!!都係俾d人練oral囉~~因為今個星期就要考
中文oral喇!!哈哈...有少少緊張!!不過我對呢個項目都幾有信心!!嘿~~
(←懶叻!!)點左幾個人出黎講之後就落堂lu...跟住果兩堂就係Phy喇!!好
搞笑...阿sir一入到課室，見到黑板有幾條題目(←中文oral既題目)跟住
我地叫阿sir揀一條黎講...跟住好搞笑...佢係度用物理學既角度黎吹...
哈哈...又俾佢吹到果下先搞笑!!嘿~~跟住佢越講越起勁!!條條題目都係
度講...講到勁興奮咁...跟住我地成班都話："報警呀報警呀!!有傻
佬!!"跟住有d人就話："快d搵個手提車爆佢個頭!!"哈哈哈...勁搞笑~~總
之搞左好耐下阿sir先至停到~~哈~~之後今日又教新野~~"Resonance"唔知
係咩黎既...但係阿sir講既野，我都聽得明囉~~跟住阿sir就係度話d女高
音同埋d男高音之所以可以嗌爆d水杯，係因為佢地既音準係好準...可以
唱到個frequency同隻杯既frequency一樣...所以就爆咁上下啦~~哈哈!!
跟住我思考左一陣...然後問阿sir："咁係咪應該可以嗌爆個人架??"哈..
跟住好多人笑....然後阿sir話理論上係可以架!!不過應該係要男低音先
做到...哈哈...總之好搞笑啦!!唔知點解今日上親d堂都係勁精神囉!!哈
哈~~好少有~~平時下晝果d堂我應該係累到死下死下咁...訓到趴晒係度咁
架嘛...哈哈...所以今日好怪雞!!!

之後放學lu....原本諗住留o係學校溫書架...點知冇人陪我呢...>.<"所
以都係返屋企lu.....唉...一返屋企就會hea架喇...果然不出我所料!!返
到屋企之後都唔知做過d乜...上左陣網，就去訓覺喇...浪費光陰!!唉~~
一起返身既時候就已經係食飯既時間喇...仲要俾媽媽鬧添...唉!!不過能
夠體諒的...哈哈~~我都要生性d先得喇!!

今晚俾心機溫Pure.maths先!!聽日就有測驗喇~~~希望會合格啦!!嘿~~
今日轉左隻background.music喇!!哈哈~~呢首歌其實我想用左好耐架喇~~
自從上一次聽完兒童詩班獻唱之後，我都好想用呢隻Midi~~哈!!上次聽到
我差唔多喊出黎咁濟...一路一路睇住自己既小朋友長大，真係好開心同
埋好感動...如果我係上次兒童詩班果d兒童既家長~~一定會喊囉!!因為果
個mood實在太正喇!!好感動，好開心....
唔知大家o係日常生活入面有冇諗過點樣好好照顧/回饋返果兩位每日都好
辛勤、好刻苦咁樣工作去養育左你十幾年既父母呢??
記得開喇叭聽喇!!