§ Diary §

哎哇..琴晚一路溫書一路玩ICQ，搞到三點先訓覺!!哈...跟住今朝又約左
阿錢...因為應承左話俾d精讀佢呢~~嘿...今朝七點鐘，阿錢好準時咁打
黎叫醒左我~~哇哈哈...今日勁累囉!!好彩有人叫o者~~呵...之後都ok快
手咁換衫出門口.....嘿!!七點七就到左學校門口喇...點知原來係話搭九
等囉...>.<"都仲要遲到wor!!!搞到我等左15分鐘呀!!仲要俾個留言訊息
玩左一次添...唔得呀~~下次要罰!!

今日係星期二，所以要係操場集隊呢...唉...悶到爆炸呀!!阿李sir上台
又講埋d無聊野...好彩有d魔術學會既人宣傳上台搞下笑o者~~哈哈!!唔係
一定悶死~~早會完左之後，又要即刻走去當值wor.....嘩..今日真係好唔
得...好累呢~~琴晚三點訓...真係唔少野!!哈~~

頭兩堂係Physics...都ok啦!!雖然好累~~不過我都有好努力咁聽書架!!雖
然聽得明呀.....不過可能做既時候就唔識...哈哈!!呢個係我既弊病!!
唉...努力d啦!!!跟住就係Pure.Maths堂喇!!Test呀~~~test左兩堂加一個
小息...所以今日我地班係冇小息架!!!!!慘慘!!之後今日份野仲要唔識
做...又話測埋matics...點知淨係得binomial~~唉...炒梗!!今次真係
痾"木塞"呀!!有d應該係好易架.....不過咁都唔識...唉...食蕉吧!!

跟住果兩堂就係中文堂喇~~因為今日開始考中文oral~~但係我今日冇份考
~~所以就落左去library坐喇!!我淨係帶左份Applied.maths既測驗卷落去
溫習...但係淨係睇左題咋..唉...掛住訓囉.....悶呀!!!

之後就Lunch喇~~~yyoyoyo!!!leader同阿鋒仲有廿七分都去左我屋企食!!
哈哈...Air.supply唱歌真係好勁!!Without_you超好聽!!哇哈哈哈!!
yoyo!!佢地食完飯左左去我間房...然後我俾左樣好騎呢既野佢地睇...哈
哈..睇到佢地好搞野~~哇哈哈!!我第一次見到果陣都覺得好搞笑~~哈哈!!

Lunch完喇!!下晝三堂都係applied.maths呀!!!因為已經教晒書...所以阿
sir叫我地自己溫下書計下數咁囉...三堂呀!!!點過.....之後就用晒三堂
黎做功課喇...唉...勁辛苦囉!!不停咁計計計...仲要係用黎用去都係果
兩條式.....勁麻煩!!搞到我勁頭暈...同埋勁累!!計呀計呀計呀...落堂
lu...仲計緊...哈...又係淨返我同leader同埋阿鋒三個人...哈!!真係勁
合拍呀!!我地計左勁耐呀...個校公都入左三次課室趕我地走~~哈哈哈!!
搞笑~~之後我地就落左去操場度繼續計~~哇哈哈!!計到五點幾先至走~~

之前約左阿錢今日一齊去買基督徒團契要用既野~~要妳等到五點幾先走
添...真係唔好意思!!哈...好彩妳仲未走o者~~yo!!之後我地就一齊去左
禾輋買野喇~~買左兩支汽水啦~~一支鼓油!!不過禾輋冇cream買呢~~所以
我地就去左沙田買喇!!!我發現左我地勁傻仔囉...應該係去左沙田買野先
至返去樓下買架嘛.....搞到我揹住兩支汽水同埋一支鼓油由禾輋行左去
沙田...哈哈!!雖然唔係好重呀~~不過都累!!算啦~~~~~嘿!!我地兩丁友雞
啄唔斷咁講野~~哈哈...覺得自己好似變左師奶咁...哈哈!!最後揹住一個
沉甸甸既書包去到百佳買左支百醋同埋一支cream~~哇哈哈!!諗起都開
心!!聽日週會一定超好玩!!哇哈哈哈!!

之後本來諗住返屋企...不過見到阿錢要自己一個食飯...好似好慘咁!!所
以就陪佢食飯喇~~哇哈哈...搞野~~我地去左西田買左盒壽司食...佢竟然
食唔晒wor...............一.一"(←unbelievable...哈哈哈哈)之後仲
請左幾舊俾我食添~~~yoyoyoooo!!!(←嘿...我勁為食囉!!)真好!!食完野
之後佢要返屋企lu...咁我就送佢去搭車...然後都我都返屋企lu!!

哈~~~返到屋企又食飯lu.....真係成日都食不停口~~哈!!最弊係我又肥唔
晒果下先搞野丫嘛~~~哈哈!!食完飯之後...又冇野做lu.....今日直頭連
書都冇帶返黎...想溫都冇機會~~哈哈!!算啦!!今晚都係早d抖~~養足精神
聽朝又要當值喇.....>.<"唉~~~