§ Diary §

哈...今朝七點三自己無啦啦彈醒左~~咦...發現左平時叫醒我既阿錢冇打
黎...就知佢一定係唔知醒喇!!哈...send左個sms俾佢就算lu...費時打俾
佢"side"佢分鐘啦~~哇哈哈!!跟住食早餐出門口lu...

哈...今日星期四~~本來今日要出去present架~~不過Miss唔記得左...
哈!!算數~~之後頭兩堂就係applied.maths喇!!好悶囉...都唔知做過d
乜!?!??哈哈...跟住就係中文堂喇~~都係練下oral...叫人出黎講囉~~兩
堂都淨係叫左一個人囉....一.一"無奈!!哈...我小息又同leader同埋阿
鋒落左去食野.....但係佢地兩個今日要當值呢..所以我落住去先!!點知
俾人呃左...食唔到我最喜愛的"珍珠龜"呀!!!!!>.<"跟住買左個粉絲食~~
唔.....都ok既...不過太咸了!!嘿...

小息完左都係中文...之後就係兩堂pure.maths喇!!呵呵...派test..全班
慘死!!!死剩四個...唉!!!我當然係死果個批人啦...哈!!努力努力!!因為
阿sir見到我地死傷慘重...所以就訓左好耐話喇.....>.<"唉~~搞到我都
冇乜心機上堂lu...之後仲訓著左添...哇哈哈!!

Lunch~~~今日冇返屋企食呢...專登留o係學校陪下leader同埋阿鋒佢地
呢!!唔..都幾好!!哈哈~~可以成日同好朋友一齊一係唔錯呢!!呵呵...之
後好快就食完野喇!!佢地兩個去當值呢.....嘩......慘不忍睹!!唉...我
係訪邊睇佢地點名都覺得欲哭無淚.....唉!!好彩我個head好人o者~~嘻!!
之後自己一個上返班房hae.....

下晝三堂都係physics堂呢!!要過lab呀~~不過都幾好!!哈哈~~今日同
leader終於知道要有d咩方法先可以配合阿sir既進度去學野喇!!!哇哈
哈...我地都好開心呢!!呵呵~~~三堂雖然好長呀!!不過都幾開心呢~~因為
阿sir成日都做埋d好騎呢既動作...哈!!搞野~~~

放學lu...要考oral呀!!好緊張呢~~一出lab果陣都仲見到妳架..不過之後
妳就俾人海掩沒左lu...哈!!跟住返班房執書包!!好趕好趕好趕~~一執完
過左隔離課室點名...跟住就preparation喇~~~我果篇既題目係"who
wants to be a teacher"哈哈..感恩!!因為篇野都幾易~~所以好快就睇完
lu...雖然講果陣都係有少少甩cut~~哈哈...唔緊要啦!!個時間控制比想
像中好左好多lu~~~哈哈!!多謝妳呢!!!考完之後去左搵阿leader~~因為約
左佢呢!!佢係R組~~而我係D組...所以我考完之後，佢都未開始考呢~~不
過要等埋佢!!哈哈~~係四樓睇波睇左差唔多成半個鐘~~犀利!!燃燒青春就
係呢挺人喇~~哇哈哈!!

等到五點正倒啦...Leader就考完lu...佢失手講左中文呢...>.<"噢..
哈!!不過都好似合格呢!!唔唔...之後就同佢去搵阿唐sir問下GCE果d野
喇...點知阿sir好似咩都唔知咁...一.一"跟住佢又趕住走wor...我地兩
個要一路行一路同佢講...哈哈!!搞到我地好似訪問佢咁wor...阿sir之後
上左車走人.....一.一"我地兩個之後就去左搵萬老師喇!!哈~~點知佢都
係唔係好知.....不過我地都傾左d關於學業上既問題~~萬老師真係一位好
老師!!哈~~

問完之後都六點喇~~我地兩個人就去左canteen度抖左陣...之後就去左
common room度做physics喇~~~沮喪!!做左個幾鐘先做完一題LQ...哈哈..
失敗呢~~做到七點幾...走人lu....跟住去左沙田運動場幫師父(←以前郭
得勝既好好同學)睇下邊個時段有得緩步跑~~哈哈!!睇完之後就返屋企
lu...累呢!!!行到返屋企都成八點幾~~時間好似過得好快咁....哈!!

返到屋企之後就有得食飯喇!!yoyoo~~不過唔知點解今日冇乜胃口...食左
一碗飯就冇食lu...我諗可能太累喇...唔想食野!!哈哈~~離奇!!??