§ Diary §

今日又要返學lu.....好平淡既生活呢~~~上堂都係咁啦!!頭兩堂physics
訓左覺~~~~~因為實在太眼訓同埋太悶喇~~~嘿!!之後就上pure.maths堂
喇!!今日有兩堂~~不過中間隔左個小息..嘿嘿...兩堂淨係講左一題數
咋...阿sir話好值得研究wor...嘿嘿!!!咁就兩堂~~~好快就過左lu...之
後就係兩堂中文堂喇~~分組討論wor...不過我地就係度傾計囉~~嘿嘿...
搞野!!之後派返第一份功課~~Yeah!!!我其中有一題貼"唐"呢~~~叻叻!!嘿
嘿!!要再努力d至得!!!!!

好快就Lunch~~今日又係基督徒團契飯聚!!!所以我要留o係學校食飯呢~~
今日都係檢討返上一次既週會~~都係咁啦~~無乜特別!!

之後下晝就3堂Applied.Maths喇~~~今日多左個人讀Applied.Maths呢~哈
哈!!阿Sir講得勁快~~果個人完全跟唔到...不過係咁上下架喇~~我地成班
開頭都跟唔到...哈哈!!之後派返上次份Test...唉!!又炒喇...差一分
咋...下一次都係溫下書!!錯埋晒d白痴野~~下一次一定要合格至得!!

之後好快就放學lu...咁我就返屋企換衫，然後去比賽喇!!!唉...雖然今
日贏左勁多分...但係我覺得自己打得好差.....唉唉唉...有d唔開心!!!
自後對既隊伍會愈黎愈勁...我唔想成為球隊既負累呢...一定要努力d!!

打完波之後，買左兩包咖啡飲...但係飲完之後勁頭暈囉...一.一"下次都
係唔買!!!之後就返屋企喇!!!!!成晚都要不們咁做功課~~因為欠下既功課
有好多呢...唉...怪只怪自己太懶lu.....要努力努力!!唔係夢想就會化
煙架喇!!!!!!

目標：一定要入中大!!!

PS：多謝阿飛咁關心~~~~~~~