§ Diary §
哈~~講返琴日先~~琴日專登返早堂為見紅顏一面呢~~~Yeah!!!!!好彩真係
俾我見到佢o者~~~呵呵呵!!實在太靚喇~~~哈哈哈哈!!!!!之後就主日學喇
~~琴日講得超超超超好!!!偉瑜導師真係勁喇!!不過我10點45分就走走去
練singing group喇~但係出到去都未開始既!!!!!e~~~~~~~~~~跟住見到阿
皂wor~~~就同佢講我既新對象喇~~哈哈哈!!!講左陣，就正式開始練歌
lu...有好少既緊張啦~~~哈...話晒都係第一次丫嘛!!!好彩都冇好嚴重既
問題出現o者~~~呵!!跟住聽道~~因為早堂已經聽過一次~~所以瞌著左...
哈哈哈!!!但係坐我隔離既周詩俾我更累~~~哈哈!!成個祟拜都唔知睇到佢
幾多次打喊露呀!!!哈哈哈~~仲要唔掩住個口添!!!核突~~~~~
跟住琴日下晝就要潮汕短宣訓練喇~~今次係最後一次~~所以練左好耐
呢!!!由兩點半練到六點~~累就唔係好累~~不過唱詩唱得唔好呢...唉!!仲
有幾日就要獻架喇~~希望到時唔好出錯啦!!!!!
好喇!!講返今日先~~今日9點鐘就無啦啦彈左起身喇!!但係琴晚兩點先訓
架wor...唉!!真係好死!!哈~~唔理lu.....之後涮完牙洗完面就玩ICQ喇~~
同Judy傾左好多計呢~~希望佢唔好再唔開心啦!!!玩到10點鐘就offline喇
~~然後我就睇卡通片lu...鋼之練金術師~~~~~正呀!!!!!小鳳我有新喇!!
睇完就開始執潮汕D野lu......哈~~執執執!!原本諗住一袋過~~點知原來
係唔得架!!算啦~~帶多個背襄去啦~~~哈!!
之後下晝就去左Henry屋企喇~~~~~Yeah!!!!!第一次去佢屋企咋~~都幾大
架!!!不過佢間房就亂左少少喇~~~哈.....首先就得我地阿浩恩、阿皂、
文彥同我去左Henry屋企先~~一去到就打機lu.....思毅跟住好快就到埋~~
跟住都係打機.....打呀打呀!!!!!!我地打多陣就落左去游水lu.....開頭
仲諗住冇得游水...因為之前又落過雨wor...哈!!好彩我地幾個都有帶野
去游水o者~~得文彥乜都冇帶~~哈哈!!咁佢就一個人坐左o係度睇我地幾個
人游水喇~~~嘿!!!阿皂就勁驚囉...因為佢唔識游水..開頭就攬住個足球
形既水泡~~但係佢攬唔實...跟住我諗住去扶佢既時候，佢就一野搭住我
個膊頭.....跟住我即刻嗌...因為我個膊頭勁痛!!哈哈哈哈~~不過算數，
佢唔識游水..之後我地幾個就掛住自己玩~~屈左思毅去教阿皂游水....哈
哈哈哈...好狗仔咁!!哈~~我地幾個就係度玩飛碟喇~~哈哈!!勁累呀!!!玩
玩下周詩都黎埋lu.....哈!!我地幾個係叫話掉阿周詩落水.....但周詩堅
決拒絕~~哈哈~~算數，因為我地都整到佢個身都濕晒!!哈哈哈~~之後就返
上去Henry屋企沖涼lu.......佢地又打機喇!!!哈哈~~我今次都有玩架!!
玩DDR~~好耐都冇玩過lu......以前曾經都試過好勁架!!不過太耐冇玩~~
生疏晒lu......哈哈哈!!之後仲有tiramisu食添~~係阿皂整既~~~哈哈!!
唔錯架!!都幾好食呢!!!下次再叫佢整先!!呵~~~食完之後，阿飛又黎埋!!
咁我地幾個就一齊玩大富翁喇!!哈哈哈~~~Yeah!!!好好玩唷~~~不過我玩
左一個Round就冇玩lu...因為要幫手落去穗禾苑拎野食呢~~~~~哈!!順路
送走阿思毅同浩恩~~呵呵!!!
咁好快我同Henry就上返去...開飯lu~~~~~~~~嘩嘩嘩...勁多餸呢!!!!!食
極都食唔完.....我已經好盡力咁食架喇!!!哈哈哈~~~惠芳姨姨仲同我講
話o係佢屋企食飯有個規矩，就係要食晒所有餸喇~~~~~哈哈哈!!實在太難
喇!!!我盡晒力都係食左4碗飯~~食左好多餸架喇~~~但係都淨返少少...
唉....食到差唔多最後既時候，周詩話："一陣仲要食蛋糕wor~~~~~"我突
然醒覺.....係wor!!!!!!!!!唔記得左仲有個蛋糕食添!!!!!!哈哈哈...但
係當時我已經食到勁飽lu.....哈哈~~唉!!!算數!!之後我又玩左一陣
DDR~~就同周詩入左Henry間房度睇相喇~~哈哈!!睇晒Henry去墨西哥同美
國d相~~~~~跟住就出左去食蛋糕喇~~~食到我有d崩潰呢~~~哈哈哈!!之後
好彩惠芳姨姨幫我地沖左杯茶o者~~~嘿~~食埋杯茶就又入左佢間房度睇
Henry去芬蘭d相喇~~~哈哈!!D景真係好靚呢~~~希望將來我都有機會去
啦!!!!!嘻~~~~~~~
睇埋d相，我同周詩同阿皂同埋雋彥就一齊走lu...Henry車我地呢
~~Yeah!!!Henry，錫晒你!!!!!!啜~~~~~~~~哈!!咁我同阿皂就o係沙田新
城市落車喇~~因為屈左佢同我一齊去Body shop度買沐浴露~~哈哈!!之後
我就返屋企lu........今日都好開心呢!!!!!
聽日就去潮汕喇!!!希望大家會為我地一班短宣隊員去祈禱啦!!!
最後一樣~~o係我去潮汕既期間千祈唔好掛住我~~嘿!!!
