§ Diary §

今朝本來約左人八點鐘去打波...不過我九點鐘先起身~~哈哈哈!!算啦~~
冇人叫係咁上下架喇~~跟住落去打波...哈!!今日都ok準~~不過成日都輸
呢...搞到我有d發憫陣~~哈!!算數~~~~~

之後返到屋企發現左原來已經11點45分~~我仲約左阿小鳳12點半係慈雲山
等添...哈!!一定遲到~~不過唔理lu...去沖涼先!!沖完涼都已經12點15分
喇!!哈...見勢色唔係好對路...即刻打個電話俾小鳳話遲d先去到~~跟住
就約左佢一點鐘喇!!哈哈~~

點知最後都係遲左20分鐘先到~~哈哈哈....(←勁衰囉!!)跟住我地一齊o
係京滬食飯~~哈哈~~好hea呀!!之後食完就一齊上左教會幫佢手搵同埋拎
詩集喇~~~~~哈...累呢~~~~~跟住落返去練詩lu....o岩o岩開完聲，就俾
阿牧師叫左去問信德lu......哈哈!!問左10題呢~~唔.....都ok啦!!
Yeah~~有得浸禮喇!!!嘿~~~12月19日!!←浸禮日~~呵呵!!諗起就開心喇!!
yoyoyyoo~~~跟住走返出去練詩.....唔...今日好似唔太得!!唉~~少詩努
力呀!!!跟住就團契喇~~yoyo!!今日週會係福音的心~~講返我地生活上會
遇到好多自稱係基督徒而有做壞見證既人...總之要做好自己個見證...同
埋唔好揀人黎傳福音~~咁上下啦~~~最後role play....哈哈!!roleplay~~
超級低能囉~~~哈哈哈!!不過好搞笑~~哈!!真係好鬼鍾意同唔可以麥嘜一
齊o者~~如果佢地真係我個囡就好lu....哈哈!!每次見親佢地我都會勁勁
勁開心囉~~哈哈哈!!!yoyoyo~~~結婚吧!!呵呵呵~~

完左團契之後就等食飯喇~~跟住發現左原來瑩瑩唱歌係超好聽架!!!竟然
好聽過細細tine呢~~哈哈...真係犀利~~不過我諗應該冇周詩唱k咁好聽~~
哈哈!!教會的確係禾xy珍珠呀!!哈哈~~跟住等左陣就成大班敬拜小組既人
去食飯喇!!(都有成8個人架!!)Yeah~~~立雄導師請食飯呢!!!啜~~~勁好
呀!!呵呵~~我地叫左勁多野食呢~~唔唔!!好味!!呵呵~~不過食完之後仲覺
得差少少咁~~所以我同步肥同埋阿步去左麥當勞度買雪糕食喇~~哈哈!!佢
兩兄弟真係...搞笑組合~~哈哈!!

之後上返教會練歌lu........和唱得唔係太好呢.....唉!!睇黎真係要參
加一d和唱班喇!!!我同麥兜同埋阿細細tine和唱呢~~~唔唔...細細tine好
厲害呢~~~要好好學習至得!!嘿~~跟住練左好耐好耐~~十點幾先練完~~好
彩立雄導師車我地返屋企o者~~~~~yoyo!!真係勁好好好好好呢!!!!!!咁我
就可以差唔多十一點就返到屋企喇~~哈!!

跟住夜晚玩icq，係度同小鳳玩："你唔係以為..."玩到勁無聊囉~~~哈哈
哈!!不過好搞笑呢~~~哈哈!!"你唔係以為我以為妳以為我以為真係咁以為
呀嘛?"......(←係咪好無聊呢???)哈哈哈~~

聽日小組獻唱喇!!努力!!!

期待你的芝士蛋糕~~~~~~~