§ Diary §

哈哈哈...今朝本來約好左阿草、小鳳一齊去食早餐~~但係今朝都係唔知
醒，所以都係去唔到...對唔住呀...小鳳!!

今朝返主日學(阿山返左黎!!Yeah!!!)，瑋瑜導師講，同人既關係如果有
問題就要即刻講出黎，唔好拖!!哈哈...唔知點解，我愈黎愈鍾意瑋瑜導
師!!!希望我下次唔好遲到啦~~之後就係崇拜喇，今日好似係講作妻子既
應該點樣同埋作丈夫既又應該點樣...哈哈，好似係咁上下啦~~都唔係太
專心聽。崇拜完左之後，收到約翰團D團友仔寫既鼓勵card呢~~~勁開心、
勁感動呀!!!之後就同浩恩、阿草、William、麥嘜、唔可以、涼亭、阿雲
同雋彥去左盈泰食lunch~~~食完返上教會抖一陣，同William計左陣Maths
就好狗咁拉左佢去打波喇!!!連涼亭都俾我拉埋佢，真係勁狗!!嘿嘿....
臨走果陣，阿草話3點會打俾William，叫佢返黎溫書~~好搞笑!!

之後我地成班人就去左7號仔度打波喇~~估唔到既係連麥嘜唔可以都有去
呢~去到就即刻鬥左兩場波喇~~之後仲玩左兩round "OUT"添，輸左又係要
除褲...真係無聊一.一"哈哈...好彩我兩場都贏o者~~今日真係好熱呢!!
之後返左教會一陣就去左沙田喇~~~~~去到沙田，行左一陣就返左屋企喇
~~之後食飯，食完飯去左行城門河~~呵呵呵...行左差唔多兩個鐘就返屋
企喇，實在太過唔想返屋企lu~~~好煩!!

行行下，諗起就快會考，就打左俾Keiko呢~~~噢...點知佢病緊，仲咳得
好犀利呢!!真係擔心!!就快考試喇，要小心身體呢!!跟住我地傾左好耐呢
~傾到電話無電就傾唔到喇~~哈哈...有個好朋友真係好呢~~~

之後返到屋企，阿哥霸住部電腦，係度睇卡通片!!搞到我都睇埋一份...
睇睇下，我就勁眼訓。跟住就訓左lu~~~~~

會考成功!!