§ Diary §

哈...又打日記喇!!!Yoyoyoyo~~~~~今朝都係7點15分起身~~不過覺得好累
呢~~所以專登教多次個鬧鐘5分鐘之後再響過......5分鐘之後，又響...
根本就未訓返...哈哈哈!!低B~~~之後都係涮牙洗面換衫食早餐啦!!!不過
唔知點解今日早過琴日出門口..哈哈!!搞野~~

今日係DAY3所以唔使當值~~哈!!真係Free喇...不過今日係星期二，有早
會呢...唉!!所以上完四樓開locker放低書包係班房之後又要落去早會
lu...今日基督徒團契有宣傳呢~~哈!!我地rehersal左兩次咋...仲要兩次
都唔係太好添...所以都驚驚地!!不過我地出去宣傳之前都有好多其他學
會要宣傳~~今日果d宣傳都ok搞笑~~所以今個早會都唔算太悶!!嘿~~跟住
到我同samuel出去宣傳喇...我地今次扮師奶...哈哈!!都ok架!~~連阿sir
都話我地兩個扮得好入神!!哈哈哈~~痴線!!

早會完左之後，就係兩堂physics堂喇!!要去lab上堂呢~~不過我地專登留
o係班房勁耐都唔走...哈哈!!搞笑~~一有人想走既時候，就會俾人
話："你好趕咩?"哈哈~~好狗仔!!不過好搞笑~~我諗我地大約遲左十分鐘
先至全部人過晒去~~嘿!!今日勁悶囉...係度講pastpaper...仲係講足兩
堂wor!!!仲要用powerpoint喎!!仲要睇唔到wor!!仲要好累wor!!仲要唔識
做wor!!仲有......經過左兩堂好辛苦既phy堂之後，耗損左我勁多精神!!
所以之後果堂pure.maths堂勁累勁累!!完全唔知佢講乜...!!哈~~同埋係
咁"鐘下鐘下"..勁眼訓囉!!一落堂就即刻訓鬼左.....成個小息就咁無左
喇....小息完左都係pure.maths堂丫嘛....但係我完全唔知個阿sir幾時
入左課堂...跟住隔離果位同學叫醒左我...哈!!勁累勁眼訓囉...跟住拎
轉身見到阿"踢lisa"(唔識串)o係後面拎住成抽匙開緊我個位上面果個冷
氣箱..哈哈!!咁就梗係幫佢啦~~我是但拎左一條匙試下開唔開到...點知
我插極都插唔入...一.一"好明顯我果陣自己仲係好唔清醒!!哈哈~~跟住
都係俾返阿"踢lisa"搞lu...哈哈~~跟住好hea咁上左堂pure.maths!!!之
後就係兩堂中文堂喇!!唔知點解上上下就好精神喇~~哈哈!!可能講果個課
題係關於宗教信仰咁啦...之後Miss又成日問我問題wor...話我係資深教
徒wor.....一.一"我都想係...哈哈哈!!好快就落堂喇!!Miss仲走左過黎
叫我下一堂出去講信主前後既分別wor.....>.<"

Lunch!!!好free呢~~今日唔使當值!!哈~~返屋企煮野食!!阿鋒都有黎呢~~
咁我地又係度睇卡通片喇~~~哎哇!!好好棋魂真係好好睇呢~~睇完一集之
後，見到仲有好多時間剩，咁就聽多一集笑談廣東話啦~~哈!!今次果集都
好搞笑~~~~~"幾大呀幾大，沙蟹就沙蟹"哈哈~~~好搞笑!!!"幾大呀幾大，
蜜瓜呀荳奶"哈哈~~好低b!!!不過好搞笑~~~~~聽完就返學lu~~~

Lunch之後就係3堂Applied.Maths喇~~~哎哇!!食完飯又累返lu...哈哈!!
不過今日阿sir都淨係係度講example囉~~~不過我覺得已經好過前果幾個
月架喇~~哈哈!!至少呢d都明明地丫~~嘿嘿!!而家同個阿sir熟左dd~~所以
上堂果陣都冇咁悶!!哈~~三堂applied.maths都唔算太長~~哈!!放學!

今日要練波呢~~~同人地換左件球衣...XL...一.一"超大件囉!!不過算
啦!!總好過冇~~練波...今日個個都唔係好掂呢~~冇乜精神!!可能太耐冇
練波喇~~而家練波練少左好多lu...一個星期先練得一次!!同一開頭果陣
差勁遠!!哈~~今日練得都唔好呢...唉!!下次要努力d~~

六點，累...返屋企lu.....沖涼!!食飯~~應該要做功課!!不過我就係度無
聊都唔做野.....>.<"懶!!

我以前是冠軍　怎會慣　做後備愛人
曾經　也上到最高
逐漸滑落　谷底的暗
看見未來　雙腳已在震
因我說過愛是無憾　才會受教訓