§ Diary §

嘩嘩嘩.....琴晚勁恐怖呀!!!我竟然未到十點就訓著左...哈哈!!係今年
既新低點呀!!哈哈~~不過其實早d訓都好既~~唔使諗咁多野丫嘛!!嘿嘿~~

今日要當值，所以都要好早就起身喇!!6點45分呢...諗返起就辛苦!!唉~~
雖然琴晚好早訓..不過今朝起身既時候都好累呢~~~~~哈!!所以起身之後
又教左鐘鐘7點鐘先響~~然後再訓.....一.一"(←懶呀!)

跟住7點半就返到學校喇~~~今日果個leader又遲返黎wor...成差prefect
要等佢點名!!麻鬼煩!!嘿~~~之後上左課室...好累呢~~抖左好耐先去當
值...哈哈!!勁狗仔~~跟住到左8點就到左每逢星期三一次既德育早會喇..
唉..悶呀!!!又累wor...整!!之後返到課室...兩堂pure.maths堂...嘩!!
悶爆...雖然今日教果d野唔難...不過好煩!!要係咁計乘數同埋加數!!所
以上完兩堂pure之後就勁累喇!!之後仲要上phy堂添~~~我已經覺得勁眼
訓...諗住訓既時候，又覺得唔係太好咁wor...因為太明顯喇!!所以就搵
左張紙畫左兩隻眼~~然後放係我副眼鏡度，扮聽書~~哈哈哈!!整好之後，
突然間又勁精神囉~~哈哈!!同埋四圍d人見到我既完成品之後都係咁笑...
哈哈...>.<"我都知我畫得樣衰架喇~~~哈哈!!

之後小息!!掛住玩我整果兩隻眼，差d唔記得去當值!!哈哈~~之後即刻走
落去點名...點知個leader唔知做乜鬼!!又遲到!!好冇責任感呀!!!最後個
head.P幫我地點名同埋揀位開崗~~之後就開崗lu...守form2..幾乖啦!!

小息完喇!!又係phy堂...哈..好搞笑!!成班人都係度玩...唔聽書!!跟住
又話唔明，叫個阿sir解釋!!哈哈~~好低能!!之後就係上eng堂喇!!>.<"個
miss竟然叫我聽日交兩篇news.cut喎!!真係痴痴地~~哈...今晚有排做呢~
之後今日係oral堂~~俾篇野我地睇，然後drop低d.point~~跟住叫我地出
去短講wor~~哈哈...抽唔中我呢!!之後就Lunch喇!!

Lunch~~今日簡.Leader同阿鋒都黎左我屋企食呢...哈哈!!(佢地暫時係我
o係呢間學校最好既朋友黎既呢~~)食完之後仲有好多時間呢!!所以我地就
聽笑談廣東話喇~~哈哈!!搞笑~~最衰我今日要當值啦~~唔係就可以玩耐d
喇!!哈哈~~~~~返到學校...又唔見左我個組個perfect.leader!!豈有此
理!!成日都唔出現!!!好狗~~搞到我地成班perfect係度等囉!!整~~之後我
唔理佢上返班房做自己野算lu...哈哈...我都好狗!!

之後就係一堂空堂!!我地成班人都係玩UNO架~~哈哈!!好快就過左一堂
lu....之後就上兩堂PE喇~~網球!!我對呢項活動真係唔係好掂~~哈哈!!今
日教反手同埋開波呢~~我地有勁多人都打到d波唔見晒~~哈哈哈哈!!勁搞
野!!之後落堂果陣，阿sir見到唔見左勁多波就係度話我地喇...哈哈哈!!
搞野~~

放學!!!本來係要影班相架~~但係有勁多人都話唔影wor!!所以Miss就話再
約過時間影過喇~~哈...搞野!!之後我就去基督徒團契喇~~YOyoyoyo~~

一去到既時候見到好少人咋...我同阿samuel都話我地宣傳失敗呢!!唉~~~
不過之後愈黎愈多人黎左!!哈哈~~好野~~之後玩左個"鬼識你"遊戲...不
過好無聊呢~~~今日阿家強講"鬼"...都ok啦!!佢有引用返聖經"趕鬼入豬
群"既事...哈哈哈!!一見到就諗起潮汕lu...好懷念呢~~不過同時都諗起
左d唔開心既事~~唔....算啦!!哈哈~

放學...被逼送左Janette去搭車~~嘿..搞野~~等佢上左車之後我就自己行
返屋企lu...累呢~~唉...去到屋企樓下...無啦啦開唔到個密碼鎖...原來
已經轉左號碼lu...已經轉左.....我件球衣都變左4號呢~~教會都有野變
左lu.....有好多野都變左lu.....我都變左lu...哈哈!!好彩神永遠都唔
會變o者~~~~~yoyoyoyoyo!!!

神未曾應許 天色常藍
人生的路途 花開常漫
神未曾應許 常晴無雨
常樂無痛苦 常安無虞
神卻曾應許 生活有力
行路有光亮 工作得息
試練得勉勵 危難有賴
無限的體諒 不死的愛