§ Diary §

琴日同前日都冇打過日記添....而家補返兩三句啦!!!

6月2日，朝早十一點起身。夜晚同Justin去左新仔屋企本來諗住訓...(我
地夜晚三點先訓，其實已經係6月3日)但係Justin係我同新仔訓緊既時候
不停咁嘈住我地~~~搞到我地兩個訓極都訓唔到..仲好精神添!!!!!之後我
地就齊齊煮野食同埋打機喇~~~~~打打下就已經朝早六點，咁我就要返屋
企拎返使力加d野喇~~~新仔又陪我返喎~~~~哇哈哈!!我拎完野之後，就同
新仔出去紅磡篤波喇~~~~~~竟然同時間見到William同阿中(William個fd)
呢~~~哈...之後我地篤左好耐~~~~~(因為我地八點鐘就去到)大約十一點
幾，就走喇。因為約左小鳳阿草麥兜佢地食飯呢~~~不過我都拉埋阿
William一齊黎~~哇哈哈!!

之後我地又一班人去陽光食飯喇~~Yeah!!!!!食食下飯既時候，我地就講
靈實醫院喇~~因為我地要去佈道!!哇哈哈...之後阿草就話係寶琳，跟住
又話係西貢??!!?!哈哈...我地就不停辯論喇~~哇咔咔!!因為小鳳同麥兜
就話靈實又o係屯門，好似好可信咁...咁我地就個個異口同聲咁咬定係阿
草錯喇~~~~~哇哈哈哈!!!仲搞到佢食食下走左添~~Sorry呢呢呢~~~~~~所
以我地就決定返上教會集體道歉喇!!!!!呵呵呵呵...搞笑!!

之後我果組要睇標竿人生喇!!!!!我睇到好慢呢~~因為小鳳坐我隔離，佢
勁快就睇完lu...真犀利!!而我睇完之後就覺得超超超眼訓喇~~跟住竟然
訓著左...哇哈哈!!佢地竟然o係我訓著既時候係我塊面蓋印，仲要以為我
唔知!!!太傻喇~~其實我係知道架，不過太累唔想郁咋!!!哇哈哈~~之後醒
左就去洗面，開始使力加喇!!!!!

講道時間，一開頭佢講果d咩三層天，我真係唔知咩黎...我又累喎，所以
不停咁瞌睡...都有好多次下~~但係我都get到少少佢講乜既~~~不過後期
果d因為瞌睡頻密度太高，所以唔知佢講過d乜呢~~~唉~

聽完道之後，就分組講標竿人生本書喇~~實在太難喇!!搞到我有好多野都
唔係好明~~係咁發問!!呵呵...之後分組完左返入去果陣見到浩恩又問返
同我差唔多既問題，咁我地就成組係度討論...之後連詹生果組都出埋黎
~~哇哈哈哈!!Yeah!!!學到都幾多野既~~

之後就開始成長八課喇，講靈修同埋生命動力呀!!靈修之前有睇過，但係
好似好難明咁喎~~都係詹生講得好!!而家都明明地啦~~之後生命動力完全
無睇過，不過記得有次小鳳幫阿謙做栽培果陣，我都o係度~~所以都有少
少印象!!嘿...不過變左風車囉!!呵~~有d難做!!之後就分組又做
role_play...不過我都係唔係好識幫人栽培咁...唉...有代改善!!仲要盡
快搵人被我栽培添!!嘻~~~~~~

完左之後就上去打乒乓波喇~~~~~哇哈哈哈!!浩恩真係超勁呢!!!完全唔係
佢對手...>.<"要打多d先得!!而家既目標係要打乒乓波勁過浩恩，打籃波
要封死阿雲!!!Yeah~~~~~呵呵呵!!之後細tine都上左黎，佢打乒乓波都好
勁架!!!(係女仔既角度黎講)嘿~~跟住連William、涼亭都上埋黎，我地就
可以打雙打喇~~嘿...不過都係浩恩一個玩晒~~太勁喇!!要努力至得!!!之
後浩恩要走lu....台主走左，我地都冇咩心機!!哇哈哈...跟住阿草都上
埋黎，佢同涼亭打左陣就走lu......

之後o係我記憶入面既事就係訓覺喇~~~~~~搭車返屋企果陣訓左，仲訓到
去總站...好彩o係總站行去我屋企都唔係太遠...之後返到屋企都係訓
覺...琴日夜晚9點45分就上床訓覺喇!!仲訓到今日既下晝一點添!!!嘿嘿
嘿!!!真係犀利!!!!!三十四小時冇真正訓過覺...哈哈!!紀錄!!