§ Diary §

今日全程考中文呢~~~yoyoyo!!!呵呵呵......第一科係中文作文呢!!哇卡
卡卡...呢間學校真係勁騎呢，竟然用我地學校黎做作文題材囉...一.一"
係度話咩自律....真係好鬼懶呢!!有兩條題目~~第一條係話我係中六生，
應「德育小組」的邀請係德育早會上演講，而講題就係《為己為人，發揮
自律精神─自律對高中生既重要性》係咁上下啦~~哇卡卡!!!第二題唔係
好記得講咩lu...總之要作評論既文章啦!!都係關於自律架喇~~~真係好鬼
cheap雞!!!我揀左第一題黎做!~~~唔!!我諗都ok卦~~都寫左差唔多成千字
~~嘿嘿!!咩都up晒落去架喇~~又咩仁義禮智呀...又咩提高個人操守呀...
哈哈哈哈...總之咩都關自律事啦~~嘿!!搞野~~差唔多收卷既時候..竟然
俾我發現左原來要註明字數!!!整......唔夠時間數...一.一"希望唔扣分
啦!!!唉~~~~~

跟住小息!!冇落去呢..因為企一陣又要入返去考lu.....速讀!!!40分鐘做
四篇閱讀理解呢~~~哈哈...死!!我發現左自己睇野同埋寫野真係有d慢
囉...唔夠時間wor...不過都係差少少野o者~~哈哈!!不過睇黎都死死地架
喇!!唉~~~要寫多d字先得!!嘿~~~唔理lu.....考完~~~跟住要等成個鐘先
至考中文聆聽~~我唔記得左帶耳筒呢~~咁阿勵同學又咁o岩唔記得帶wor~~
咁佢就同我一齊去我屋企拎耳筒喇~~~~~哈哈!!佢去到我屋企係咁想打
機....一.一"哈哈...所以我就陪左佢玩左一陣呢個小朋友齊打交喇~~哈
哈...搞笑~~

返番學校考聆聽喇~~嘩嘩嘩..勁難囉!!!哈哈...真係俾佢陰晒呀!!!跟住
有d就係要你自己諗既.....唉...仲要聽聽下停左停wor......>.<"哈哈~~
今次真係痾拔甩~~~一考完...全部人都勁崩潰囉~~哈哈哈!!!好搞笑~~跟
住就個個都議論紛紛~~放學lu......

我同leader同數王仲有阿宏同學一齊出左去沙田食野喇~~~哈...我一野就
衝左去麥當勞買麥旋風lu~~~呵呵呵!!!跟住佢地諗左勁耐都諗唔到去邊度
食....一.一"到最後都係我話去連城廣場度食呢~~~嘿!!去左果間食pizza
果間野度食~~哈...都ok好味既~~~我地幾條友o係果度坐左好耐呢~~係度
講返大家既童年~~~~~哈哈!!好無聊呢~~~跟住我地就四條麻甩佬係度行街
喇~~~哈哈...係度睇衫呢~~阿數班話我帶左帽之後好似外國人wor...哈哈
哈...搞笑~~~都行左好耐呢.....行埋好運就散水lu~~但係我同阿數王就
去左突破度睇下有咩書好睇~~哈哈!!跟住我係咁睇果d心理學既書...哈
哈!!都唔知佢講乜~~~~~~~~之後又拎左本心理測驗既書黎玩wor~~同阿數
王一齊玩呢~~~哈...搞笑~~我係好正常既人呢!!阿數王就同我o岩o岩相反
喇..哈哈哈哈...勁搞笑~~~之後阿數王又拎左本乙武洋介既書黎睇...
嘩..真係一個好唔滿足既身體呢....>.<"真係好慘~~要珍惜而家所有既野
呢...因為有好多人連擁有既機會都冇...唉~~~~~哈哈...跟住我搵到有心
水書喇!!不過下星期先買~~yoyo!!!嘿~~~Yeah!下星期有新書睇~~~呵!

睇完書之後就走人lu.....自己行返屋企...都唔記得諗過d咩lu...好似有
少少累~~哈哈!!所以返左屋企之後又訓覺lu.....嘿嘿!!!冇野做既日子真
係難過...(←聽日仲要考試呢...一.一)哈哈...

唔...今晚同人ICQ~~~玩完之後好似輕鬆左好多呢...嘿~~雖然事情都係未
解決到...不過我相信呢個只係時間既問題o者~~~唉!!!哎哇...星期五去
唱K呢~~~個喉嚨要快d好返呀!!我要唱歌呀!!!!!

【享往無拘無束的生活】