§ Diary §

今朝本來八點半就起左身架喇~~但係因為我教左鬧鐘九點半響，所以就訓
返喇，諗住九點半再起身!!但係當我第二次起身既時候，就已經係十點
半....仲諗住去Join阿草小鳳佢地十一點o係黃大仙等添.....一.一"之後
我就用極快既時間出門口喇!!!!之後都可以o係十一點半o係調景嶺追到佢
地~~~哈....但係我竟然唔係最遲喎!!!哈哈哈

之後，我地就一大夥人搭地鐵去寶琳喇~~~去到寶琳等埋文彥先搭車去靈
實醫院!!但係小鳳好搞笑，好似好唔想等埋文彥咁...嘿嘿嘿嘿!!!不過都
唔係等左好耐o者...文彥黎埋就齊齊搭小巴上靈實喇!!!!!!哈...勁快就
到左lu.....不過原來阿詹生預早左好多~~~所以我地都有好多時
間"hai"呢~~哇哈哈哈!!我地之後去左一個教堂參觀!!!嘩~~~~~~啦~~~~~
果個教堂好靚呢~~~我地都有影相...詹生仲o係度講果個教堂既歷史添!!
不過我都冇乜點聽到呢~~~哈...參觀完就返番去醫院canteen食lunch喇~~
我食左個煎蛋免牛飯~~呢個飯都好受歡迎呢~~因為我地有好多人都係食呢
個~~我好快就食完我自己果個lu......小鳳都好快就俾左佢果碟煎蛋免牛
飯俾我食...佢食左一半咋...!!跟住我食食下發現左自己杯野飲已經飲晒
~~咁我拎轉頭望到阿草杯凍檸水未飲過喎~~~哇哈哈哈!!!我好狗仔咁就左
去拎左黎飲~~~哇哈哈哈!!飲左都好多下~~~哈哈!!真係好狗~~之後
William又無啦啦叫我...原來佢又食唔晒佢果碟煎蛋免牛飯~~哈哈哈!!跟
住又俾我食......一.一"哈哈~~咁我又食喇!!結果，我就食左三碟煎蛋免
牛飯喇...哈哈!!超飽!!

之後就要等到兩點先有野做...咁我就地就要洗手同埋"hai"喇，
都"hai"左好耐...哈哈!!!終於到左兩點喇~~要開briefing先!!之後就黎
真喇!!!!!開頭都有d緊張，驚自己見到D老人家唔知講乜好~~但係去到四
樓果陣，又好似好有膽咁走去同d老人家講野喇~~哇哈哈!!!感覺好好呀!!
之後就要幫手推d老人家落去地下聚會~~個聚會氣氛好好好好正呀!!!雖然
有d公公婆婆係講唔到野...但係有個感覺令我覺得佢地都好投入、好開
心!!!嘻嘻~~~~~~~不過歡樂既時光真係過得好快呀!!!!!好快就到四點
半，聚會就完左喇~~之後送返d公公婆婆返上去，就要開個檢討會喇!!哈
~~個個都有特別既體會呢!!哈...今次呢個經歷真係好好~~下個星期二又
會再去過靈實醫院喇~~Yeah!!希望會做得更加好啦!!

之後又一大夥人搭車走喇~~咦!!!!!!本來諗住返教會打乒乓波架嘛!!浩恩
又唔肯喎!!!搞到我都係返屋企悶.....唉!!!!!!聽日又唔知有咩做喇~~
希望唔悶就得喇~~~嘿!!