§ Diary §

今朝返主日學~~Yeah~~終於無遲得咁犀利喇~~嘿嘿...有進步!!之後無啦
啦主日學多左勁多人，勁唔慣!!細Tine終於返左黎喇~~好掛住佢呢~~今日
主日學講虛偽同埋有d人好鍾意自欺欺人、逃避某d事情~~跟住我即刻諗下
自己係咪d咁既人，哈哈...跟住自己都唔係好清楚，可能咁就係自欺欺人
啦~~哇哈哈哈!!

今日有兒童詩班同埋少詩獻唱，兒童詩班一如以往←搞笑!!哈哈哈~~d細
路仔個個都勁cute呀!!!嘿嘿...跟住到我地少詩，今日都唱得好似幾
好...嘿嘿!!希望 主會喜悅啦~~~獻完詩上三樓果陣，馬佬叫我地一人拎
一支花wor...一.一" 果d花明明係俾做人阿媽果d...嘿嘿!!跟住我都有拎
到...上到去見到Kiko就送左俾佢喇~~阿狗見到就係度嘩嘩聲...真係傻仔
一名!!嘿嘿嘿嘿嘿.....

之後就lunch喇~~~勁極多人呢，大約有十三個倒啦~麥嘜仲俾左兩張相我
添~~佢話影得唔靚先俾我wor.....但係我就覺得ok啦~哈哈...Anyway，擺
係床頭先!!呵呵~~食完飯上返教會一陣，教唔可以同埋麥嘜數學~~嘿
嘿...始終都係阿雲好!!麥嘜經過阿雲一返教導後，好似恍然大悟咁~~我
同William就係度睇唔可以做數喇~~跟住有一條我同William搞到好難咁..
其實好易~~哇哈哈...兩名低B仔~中途我同唔可以仲係度跳土風舞添~~嘿
嘿嘿...勁開心!!真係好鬼死鍾意佢地既o者~~~

之後就打波喇，Yeah~~今日勁曬呢!!!搞到我地個個都勁累...鬥左兩場波
就無晒氣喇...真係老喇!!唉~~跟住玩OUT，贏左，勁呀!!到左暑假一定要
係咁打波至得!!目標係要"guard"阿雲!!

之後又返上教會，開始努力溫書喇!!!一返到上去，就見到涼亭係度訓
覺...一.一"真係令人氣憤，起身之後仲要係度睇漫畫wor!!真係唔多掂!!
阿草依然係勁勤力呢...做兩份MC，一份錯一題，一份錯兩題，點睇都有
A。William仲串!!好似有一份o岩晒...真係睇下拎唔拎到A*...一.一"全
部都傻傻地!!跟住溫溫下我覺得勁眼訓...咁就扒o係度訓啦，但係扒係度
又好精神wor...跟住就起返身繼續溫喇~~大約6點半倒啦，我地又係度玩
喇~~哈哈哈哈....係度講聽日點樣處置William好~~嘿嘿...傾到勁開心，
之後浩恩同Josephine仲玩摔角添...犀利!!!
中途，阿哥打電話黎，話媽咪出左去食buffret喎，叫我地自己搞掂...母
親節都唔俾我地同佢慶祝!!!豈有此理!!阿哥跟住又話出街食，咁又係得
我自己一個人食飯...真慘!!

7點15分，浩恩就走左喇~~7點18分，阿草話見到我個電話o係度震..咁我
就去聽啦~~原來係浩恩!!佢話有個伯伯叫佢幫手拎野，但係個伯伯行得超
慢，佢又要趕返屋企食飯~~就叫左我落去幫拖喇!!!我落到去之後幫個伯
伯拎左d野，浩恩就走左喇...點知好似發現自己中左伏~個伯伯要去既目
的地係巴士站，距離大約有一百幾十米啦~~但係我見佢每步所行既步距只
係得20至40cm.....係20至40"cm"!!!!係"cm"呀!!!一路上我要幫佢拎野同
埋扶住佢，但係佢每行一步都勁大力咁住我隻手...搞到我成程隻手都勁
累...途中行左五份之一既時候，我已經發覺左好唔掂，用左好耐時間，
跟住就同個阿伯講話揹佢。點知佢好惡咁話唔使，仲話如果跌親咁點
wor...跟住我地就繼續"慢"步人生路。最後，我地所用左既時間係一個鐘
頭....送完個伯伯上車之後，真係勁輕鬆，同埋有d開心囉...因為知道自
己做左一件好事!!不過亦都係一件好蠢既事~~

跟住好快咁上返去教會，d人已經差唔多走晒，連阿草都走左...得返我同
Josephine~~嘿嘿!!好彩有得俾我訴下苦o者~~之後，我地又一齊走lu...
我又送左佢返竹園喇~~嘿嘿...一路上都有傾有講，嘿嘿...幾開心呢~~

聽日William生日呢~~~~~~嘿嘿...一定會好開心o者!!呵呵呵~~

希望聽日Maths完全冇問題啦!!!求主保守!!



會考成功!!