§ Diary §

今朝又唔知醒lu...不過都冇遲到~~嘿!!!住得近真係好喇!!!今朝本來有
早會架~~不過今朝落過幾滴雨~~~所以取消!!!正~~~又唔使當值!!Yoyo~~

今日頭三堂都係空堂呢!!好勤力唷!!!!!!!!!竟然用左大部分既時間去溫
applied.maths喎!!!哈哈哈~~極之少有!!!平時都係睇一睇就放棄!!嘿
嘿...真好!!三堂好快就完了......小息又落去食早餐喇!!yoyo~~珍珠雞
呀!!哈~~都幾好味!!仲要平果下先抵!!哈哈~~~~~

小息完左之後一上到班房就測驗lu.....測晒兩堂呢!!!!!哎哇哎哇!!!今
次我識做架!!!!覆卷果陣竟然發現左自己約錯數!!!!!跟住有一題成題要
做過呀!!!!!跟住好快就打鐘...即係要收卷...!!一.一"唔夠時間改呀!!!
唔開心呢!!明明識做!!唉..仲諗住可以拎高分d...睇黎都係唔得~~唉~~跟
住之後上果堂係英文~~好快就hea過左!!都唔知做過乜野~~~哈哈!!

Lunch~~~今日阿廿七分同埋勵同學上左黎我屋企呢...唔...是但啦!!哈哈
~~冇咩特別!!食完lunch返番學校睇波~~~~~唔....d人踢波都唔係好勁!!
哈哈...成日射九碼都炒粉!!真係差勁~~

返上課室~~~中文堂!!又睇麥兜呢~~<菠蘿油王子>哈哈!!好搞笑架!!睇到
我地成班都係度笑~~~哈哈哈!!真係開心!!!因為得一堂既關係~~所以好快
就完左lu...之後果兩堂都係phy呢!!今日都仍然係講SHM~~唔...都唔算太
難!!哈哈~~希望考試果陣都識晒啦!!!

放學...Leader問我去唔去in果d聯校搞果d義工!!哈...一口就答應左喇!!
yoyyoyo~~雖然唔知成唔成功!!不過希望可以藉住呢個機會增值一下啦!!
哈哈...填左份野之後，我就要去練波喇!!!今日勁少人呢~~唔係好慣!!不
過都一樣練到.....哈哈!!今日俾人張個波兜野扔左落我個肚度....食到
應呀!!哈哈哈~~好彩我個肚仲有少少肌肉!!頂得住.....哈哈!!不過都幾
痛下!!算數~~練到六點幾!!跟住就去左睇B.grade比賽喇!!唔....輸左
呢!!打得太過亂喇!!完全發揮唔到水準!!不過人地果隊真係ok勁既!!唉..
睇住自己人輸都唔係幾好受!!我下一場一定唔可以輸既!!!!!

好累好累咁返屋企....沖涼、食飯、打機~~哈哈!!又唔溫書喇!!真係曳!!
嘿嘿...今晚玩icq既時候，唔知點解好多人同我chat咁呢~~哈!!都幾好!!
不過.....唔!!算啦!!哈哈哈哈~~~~~~

我只想開心的時候能夠跟你分享!!