好正!老實說，我從未睇過咁正既live!
今晚同細佬去左睇Soler Private Party，因為遲入場被安排坐第14行...又遠又影唔到相，唔開心...但齋聽Soler唱歌已值回票價(其實免費)，佢地真係識唱歌，結他彈得好，周國賢同謝霆峰應該好好學習。佢地唱和音好好聽，唔明點解Twins兩把聲會唱到好似嗌交咁...
話明係Private Party，大家塑性玩盡d，應Soler之邀衝到台上/台前一齊high!好彩同細佬衝得快，可以企到台前第一排!你話時下有邊個歌手可以做到台上台下都一樣咁high?(記得上次睇周國賢大部份人都係木頭人咁企起度...包括我!) 好彩同細佬瓜分左Soler既飛，睇左場咁精彩既show!亦是認識Soler的一個開始。
後記：同場見到恭碩良坐我地前邊及離場時發現"少林足球"既四師弟 - 小龍，咁good timing又點可錯過合照?
|
29 Sept 05
不知從哪來的3次便便...一個人一日竟可以有這麼多次便便，是不是吃得太多了?還是那條腸又作怪了?
28 Sept 05
勤有功，戲無益。數星期無打golf當唐退步晒...之前練習既成果及老鼠仔都不翼而飛。Come back my friends...
第一次聽人講"逃工"呢個term，哈!有人威到唔返工去打golf，真係羨慕死人!
打完golf去吉野家食個大牛肉飯，飽到上心口，食到痴痴呆呆...不過佢個味噌湯幾ok喎!
27 Sept 05
估唔到話咁快就九月尾，硬係覺得2005年只過了一半似的，不禁輕嘆"時光飛逝"...
上星期design team的電腦都upgrade了Mac OS X Tiger，F12的Dashboard挺好用，F11則解決了之前Mac OS極難返出desktop既問題。不過upgrade後感覺比以前容易hang機，做野亦好似慢左...最閉就係用Illustrator 10，save一個file會auto gen多N個以數字命名既files，完全係垃圾!
25 Sept 05
同一班好耐冇見既親戚飯聚，發現席間多左三名BB，當中包括一對龍鳳胎!東東好可愛，雖然只有5個月大，但叫佢個名都識望過黎!
黎緊12月會再多一個BB出世，以後既飯局都會好熱鬧囉...
|
|
|
24 Sept 05
起呢個世界上有好多解釋唔到既謎。百大謎團之 - 蔡さん個袋有d乜?成日見佢咩住個咁脹既袋四圍走，今日襯醉醉地打開黎睇下...
點知激嬲當事人!又一樂極生悲真實例子。
23 Sept 05
今日係Lap既last day。最初來到公司是與Lap靠電話溝通的，因為當初公司的IT Dept是在灣仔。一開始同Lap合作做wap，覺得呢個人諗野好logical，同機械人冇乜分別...
不過，原來機械人同機械人可以好岩傾!我地都好中意旅行，今次奧捷之旅Lap都比左好多資料，thx!為左farewell Lap，今晚去左雪園食飯!
我想試呢家飯店好耐喇...終於有機會。當中清湯龍蝦伊麵令人印象深刻!肉質爽脆，鮮蝦味濃，好耐都冇食過咁有水準既龍蝦呢!之後轉場去員工免費既Big One Pub。上次飲Gordons Gin一試上癮，今日encore!同成班同事玩久違了的killer，正!結果...在睡眠不足既情況下玩足成晚，4點先趴上床...
22 Sept 05
自我反省時間!最近兩晚都在執旅行相，d相唔係唔靚，不過總是不滿意...點解?再看看旅行前做的photo reference，人地d角度唔係特別靚，卻有著捷克獨有的淒美感。雖然歐洲各處風景大同小異，不過每個地方都總有其獨特之處，只怪當時在捷克未能找著這種感覺...
之前同事說過，覺得捷克這些東歐地方要過多幾年才懂欣賞，十分同意! 個人要有番咁上下經歷才能體會那種滄桑美。
現在才懂欣賞會不會太遲?
21 Sept 05
從東歐回來數天，拖著疲累的身軀上班。不停被人問著好不好玩，有甚麼好吃...
我已預備了一堆model answers...老實說，風景不算美，只是一般歐洲景，美食更不用說，歐洲人愛吃味濃的食物，我一點也吃不慣...
那今次旅行一無是處嗎?在我來說，美食或靚景都不在首位，最重要是當中的"人和事"。今次旅行不會被寫成遊記，就讓那些回憶零散在捷克與奧地利的天空下。
06 Sept 05
竟然被人發現我連食兩日蕃茄炒蛋!!亦有人好驚訝我會自己煮。
晚上依然係執野執野執野...好似執極都執唔完咁既?同埋未出發個o急已經脹爆，咁點掃貨返黎?
05 Sept 05
為免日日出街食飯咁肥，今晚煮麵食以及準備聽日既lunch box。簡單起見，今晚都係整蕃茄炒蛋，不幸被評為"唔入流"...
04 Sept 05
中意食唔代表中意/識煮。呢幾日mami去左旅行冇人煮飯，唯有自己去超市買餸煮飯。蕃茄炒蛋，唔知蕃茄係同蛋一齊落鑊定要預先炒熟呢?最後由於時間關係都係比爸爸煮算lu...
"喇叭書院"，唔經唔覺笑足兩粒鐘!有幾個位真係笑到"哈哈哈..."成間戲院都聽到咁大聲。想笑，想大笑或中意Jazz既朋友都唔好錯過"喇叭書院"呀!
旅行進入倒數階段，睇完戲返到屋企開始執下野。非常不順利，o急既密碼鎖開唔到!!三個位既密碼由"000"開始試起...試到"8xx"終於開到，開到果下真係有中六合彩既興奮感覺。最後執左兩粒鐘總算執左一半!明天續...
03 Sept 05
連續幾日冇住家飯食...不知不覺肥左...點知起身冇耐姑姐打黎約飲茶，想唔肥都難!
今晚去吃久違了的"元朗壽司"，因為溝通問題，被人以粗口問候...有時覺得同人道歉好難，但不了了之可能會令事情更糟，所以都係厚住面皮道歉...反正自己真係做得唔岩...(可能面皮夠厚係我既可取之處!)
今晚既壽司水準不及平時...整體唔夠新鮮，刺身亦比以前縮水...是通貨膨脹的影響嗎?
02 Sept 05
今晚打golf被讚有進步，haha真的嗎?被幾位朋友力嚾去歐洲旅行帶o急比較好...諗落都係既，點可能咩住個背囊行咁遠?
同Steven去稻草人食左個唔夠熱既海鮮烏冬...好彩食完冇肚痛。
01 Sept 05
今日公司來了兩個新同事，其中一個係Design trainee...HR唔知點做野，事前乜都冇通知，攪到大家要即場搵電腦比新同事及安排位置...亦冇事先通知會去食welcome lunch，攪到唔少人帶左飯(包括我!)唔止我無奈，相信新同事及唔少同事都有同感...
今晚同同事們去打乒乓波，好彩大家唔係認真打，都係玩玩下，因為我跟本唔識打呢?
Aug 05